Сорап станциясы

Уикипедия — ашық энциклопедиясынан алынған мәлімет
Jump to navigation Jump to search

Сорап станциясы - сораптық және көмекші жабдықтарды қамтитын бірыңгай кешен. Құрамына негізгі және қосалқы сораптар, технологиялық құбыр желілерінің торабы, бекіту арматурасы, ауыстырып қосу тораптары кіреді. Мұнай өнеркәсібінде Сорап станциясын мұнай мен мұнай өнімдерін сақтау, тасымалдау үшін пайдаланады. Қойнауқатты сумен тоғыту үшін орталықтан тепкіш және піскекті сораптармен жабдықтандырылған тармақты Сорап станциясы қолданылады. Тоғыту қысымы 20 Мпа-ға дейін жетеді. Мұнай базалары мен мұнай қорқоймаларының Сорап станциясы мұнай қорқоймаларын, автоцистерналарды, танкерлерді т.б. мұнаймен толтырады немесе босатады. Құбыр желілерінің Сорап станциясы мұнай мен мұнай өнімінің тасымалын қамтамасыз етеді. Бастапқы және аралық Сорап станциясы жұмыс істейді. Құбыр желілерінің толассыз жұмысын қамтамасыз ету үшін Сорап станциясы қорқоймалар паркімен, арналық сораптармен қамтамасыз етіледі.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1