София Грекиялық (Испания патшайымы)
| София Грекиялық Su Majestad la Reina Sofía de España | |||
 | |||
| Лауазымы | |||
|---|---|---|---|
| |||
| 22 қараша 1975 жыл — 18 маусым 2014 жыл | |||
| Ізбасары | Летисия | ||
| Өмірбаяны | |||
| Білімі | Афина университеті Мадрид автономиялық университеті El Nasr Girls' College | ||
| Дүниеге келуі | 2 қараша 1938 (87 жас) Афина, Грекия | ||
| Туған кездегі есімі | Мәртебелі Грекиялық және Даттық ханшайым София | ||
| Жұбайы | Мәртебелі Испания патшасы I Хуан Карлос | ||
| Балалары | Елена, де Луго герцогинясі Кристина, Пальма-де-Майорк герцогинясі VI Филипп | ||
өңдеу  | |||
Донья София Грекиялық және Даттық (София Маргарита Виктория Федерика Шлезвиг-Гольштейн-Зондербург-Глюксбург; 2 қараша 1938, Афина, Грекия) — Испанияның патшайым-консорты (1975–2014), Испания патшасы I Хуан Карлостың жұбайы.
Өмірбаяны
[өңдеу | дереккөзін өңдеу]
Афина маңындағы Татой сарайында Грекия ханзадасы Павел мен оның жұбайының (болашақ Грекия патшасы I Павел мен патшайым Фредериканың) отбасында дүниеге келген. Ол Грекия патшасы I Георгқа тұрмысқа шыққан Ресейдің ұлы княгинясы Ольга Константиновнаның шөбересі болып табылады. Гректер Ольга Константиновнаны «василисса тон эллинон», яғни «эллиндер патшайымы» деп атаған. Оның арғы аталарының арасында герман кінәздері, сондай-ақ Дания мен Англия монархтары бар.
Екінші дүниежүзілік соғыс жылдарында Грекия патша әулеті қуғында болды, Софияның балалық шағы Мысыр мен Оңтүстік Африкада өтті. 1946 жылы ол ата-анасымен бірге Грекияға оралды. Жастық шағында Германиядағы Шлосс Салем колледжінде[1] жан-жақты білім алып, кейін Афины университетінде педагогика ғылымдарын, музыка мен археологияны зерттеді. 1960 жылы София Грекияның желкенді спорт шеберлері командасының қосалқы мүшесі ретінде Олимпиада ойындарына қатысты.
1962 жылғы 14 мамырда Афинада оның Хуан Барселонский графтың ұлы әрі Испания тағының мұрагері ханзада Хуан Карлоспен некелесу рәсімі өтті. Каудильо Франко қайтыс болғаннан кейін, 1975 жылғы 22 қарашада Хуан Карлос патша, ал оның жұбайы София — Испания патшайымы болып жарияланды.
Балалары
[өңдеу | дереккөзін өңдеу]Патшайым София мен патша I Хуан Карлостың үш баласы бар:
- Инфанта Елена, де Луго герцогинясы (1963 жылы туған);
- Инфанта Кристина, Пальма-де-Майорка герцогинясы (1965 жылы туған);
- Филипп (1968 жылы туған) — 2014 жылғы 19 маусымнан бастап Испания патшасы.
Қоғамдық қызметі
[өңдеу | дереккөзін өңдеу]Патшайым София ресми өкілдік іс-шараларға қатысумен қатар, белсенді қоғамдық қызмет атқарды. Ол «Патшайым София қорының» президенті, Нашақорлықпен күрес қорының, Білім беру және мүгедектерді қолдау жөніндегі патшалық қамқоршылық кеңесінің, Патшайым София атындағы Жоғары патшалық музыка мектебінің және басқа да бірқатар ағартушылық әрі қайырымдылық ұйымдарының құрметті төрайымы болып табылады.
Патшайым София — біршама қайшылықты тұлға. Ол — вегетарианшы, корриданы (бұқалар айқасын) жек көретінін бірнеше рет ашық айтқан, бірақ ол үшін сынға ұшыраған емес. Мәселе патшайымның өте консервативті көзқарастарды ұстануында — ол бір жынысты некелер мен аборттарға қарсы шығып, мектептерде діни тәрбие берудің қажеттілігін алға тартады.
Өнер саласындағы әуестігі
[өңдеу | дереккөзін өңдеу]Өте білімді тұлға, грек археологиясы бойынша екі кітаптың авторы ретінде ол кескіндеме өнерін терең түсінеді және өзі де сурет салады. Сонымен қатар, патшайым музыканы жақсы көреді, балалық шағында хорда ән айтқан. Айта кету керек, Владимир Спиваков жетекшілік ететін «Мәскеу виртуоздары» ансамблі кезінде дәл осы Донья Софияның қолдауымен Испанияда жұмыс істеуге шақырту алған болатын. Патшайымның достарының арасында Пласидо Доминго, Галина Вишневская және Мстислав Ростропович бар. 1995 жылғы қарашада Ростроповичтің шақыруымен Донья София Үлкен театрда оның бастамасымен қойылған «Хованщина» операсының премьерасына қатысты.
Патшайым София — Сан-Фернандо Корольдік бейнелеу өнері академиясы мен Корольдік тарих академиясының құрметті академигі. Сондай-ақ оның Вальядолид, Кембридж, Оксфорд, Джорджтаун және Нью-Йорк университеттерін қоса алғанда, бірқатар оқу орындарының құрметті докторы дәрежесі бар.
Лауазымдары мен титулдары
[өңдеу | дереккөзін өңдеу]- 1938–1962 — Мәртебелі Грекиялық және Даттық ханшайым София
- 1962–1969 — Мәртебелі Испания ханшайымы София (ис. Su Alteza Real la Princesa Doña Sofía de España)
- 1969–1975 — Мәртебелі Испания ханшайымы (ис. Su Alteza Real la Princesa de España)
- 1975–2014 — Мәртебелі Испания патшайымы (ис. Su Majestad la Reina de España)
- 2014 жылдан бастап — Мәртебелі Испания патшайымы София (ис. Su Majestad la reina doña Sofía de España)
Әдебиет
[өңдеу | дереккөзін өңдеу]- Reina Sofía // Испанско-русский лингвострановедческий словарь — Б. 495—496.
- Хосе Луис де Вилальонга Король. Беседы с королём Испании доном Хуаном Карлосом I. — М.: Диопринт, 2003. — 304 б. — ISBN 5-902160-01-4.
Дереккөздер
[өңдеу | дереккөзін өңдеу]- ↑ Geschichte — Schule Schloss Salem — Internationale Privatschule in Deutschland Мұрағатталған 19 қазанның 2013 жылы.