Социологиялық демография

Социалогиялық демография, әлеуметтік демография – социология мен демографияның тоғысқан жерінде қалыптасатын, демографиялық және әлеуметтік үдерістердің бір-біріне ықпалын зерделейтін ғылыми пән. Социалогиялық демография негізінен шағын ауқымды отбасының құрылымын, туыстық қатынастарды, жеке адамды қарастырады. Тиісінше социологиялық демографияда әлеуметтік нормаларды, демография үдерістері мен оның факторларын зерттеуге баса назар аударылады. Социологиялық демографияда социологиялық және әлеуметтік-психологиялық әдістемелер (сұхбаттар, сынақтамалар) маңызды орын алады.