Соқыржылан

Соқыржылан
Ғылыми топтастыруы
Дүниесі: Жануарлар Жамағаты: Хордалылар Кіші жамағаты: Омыртқалылар Табы: Бауырымен жорғалаушылар Сабы: Қабыршақтылар Кіші сабы: Жыландар Тұқымдасы: Соқыржыландар Тегі: Typhlops Түрі: T. vermicularis
Екі-есімді атауы
Typhlops vermicularis Merrem, 1820

Соқыржылан (лат. Typhlops vermicularis) – өзі аттас туысқа жататын ұсақ жылан. Қазақстанда Маңғыстаудың тасты шатқалдарында ғана кездеседі. Денесінің ұзындығы 30 – 35 см, құрт тәрізді, басы мен құйрығы денесінен бөлінбеген. Құйрығы қысқа, жуан, ұшында өткір қылтаны болады. Көзі терісінің астында орналасқан. Төменгі жағында жұп тістері болады. Жамбас сүйегінің қалдығы сақталған. Негізінен жер астында тіршілік етеді. Жер бетіне жаңбырдан кейін шығады. Күн көзіне шықпайды, себебі денесіне күн тисе, 10 – 15 мин-тан кейін өліп қалады. 2 – 6 ұзынша жұмыртқа салады. Негізгі қорегі – ұсақ омыртқасыздар (құмырсқалар, термиттер және олардың дернәсілдері мен қуыршақтары). Залалсыз жылан, адамды шақпайды.