Степан Егорович Новиков

Уикипедия — ашық энциклопедиясынан алынған мәлімет
Jump to navigation Jump to search

Степан Егорович Новиков[21.7.1906, Ресей, Воронеж қаласы - 30.1.1945, Польша, Приттаг (Пшитыг) деревнясы] - 2-дүниежүзілік соғыска қатысушы, 56- гвардиялық атты әскер полкінің пулемет көздеушісі,орыс. Он жасынан бастап еңбекке араласып, шаруа қожалығында, ұжымшарда еңбек еткен. Әскер қатарына Алматы облысынан шақырылып, майданға 1943 жылдың 20 қазанында келді. Орталық және 1-Беларусь майдандарындағы ұрыстарға қатысты. 1945 жылдьщ 29 каңтарындағы-Беларусь майданының әскерлері Германия шекарасынан өтіп, бес жыл бойы немістердің құрсауында болған Польша жерінің батыс бөлігін 17 күн ішінде азат етті. Одер өзенінен өтіп, жаудың төрт ротаға жуық жаяу әскері тұрған Приттаг деревнясына алғашқы эскадрон тұтқиылдан шабуыл жасады. Жау әскері өздерінің күші басым екенін сезгеннен кейін, Кеңес әскерін қоршауға ала бастады. Ашық алаңқайда тұрғанына қарамастан Новиков шабуылға шыққан жау әскеріне пулеметтен оқ жаудырды. Үш рет жараланған Новиков жарасын таңып, жау әскеріне кайта шабуылға шығуына мүмкіндік бермеді. Төртінші рет оқ тигенде, Новиков қаза тапты. Соңғы шайқастың өзінде Новиков жүзге тарта жау әскерін жойды. Ұрыста көрсеткен ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.2.1945). Ленин орденімен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х