Стереофотограмметриялық аспаптар

Стереофотограмметриялық аспаптар — фотосуретке түсірілген нысандардың көлемдерін, пішінін және кеңістіктегі орнын анықтау мақсатымен стереоскопиялық өлшеулер жүргізу үшін қолданылатын аспаптар. Стереофотограмметриялық аспаптардың бәрінің негізгі бөліктері: суретұстағыш, стереонәтижені бақылауға арналған бақылаушы жүйе және өлшеу маркалары. Стереофотограмметриялық аспаптар өлшеу кезінде оператор марканы бейненің нүктелерімен тізбектеп стереоскопиялық беттестіреді және олардың орындары графикалық, есептеуіш бойынша немесе автоматты түрде тіркеледі (перфотаспаға, магниттік таспаға және т.б.). Кең таралғандары әмбебап Стереофотограмметриялық аспаптар, олардың құрылымы зерттелетін нысандардың геометриялық сипаттамаларын алуға қажетті технологиялық процестердің барлық кешенін бір аспаппен орындауға мүмкіндік береді. Iс жүзінде стереографтар және стереометрографтар көп қолданылады.