Стереофотограмметриялық түсірic

Стереофотограмметриялық түсiрiс — стереожұпты өлшеуге негізелген жер бетін немесе басқа нысандарды түсіру әдісі. Стереофотограмметриялық түсiрiс жер бетін топографиялық түсіру кезінде және ашық тау-кен жұмыстарын түсіру үшін көп қолданылады. Карьер беткейінің, уйінді кертпешінің, құрылыстардың деформациясын анықтау, сәулет ескерткіштерін зерттеу, жол оқиғаларын тіркеу және т.б. үшін де пайдаланылады. Стереофотограмметриялық түсiрiстің негізгі кезендері: тірек нүктелерін геодезиялық анықтау және оларды маркалау; фотографиялау; түсірістік негіздемені жиілету; планды жасау. Планды жасау үшін суреттерді өлшеу нысанның геометриялық үлгісін елестететін стереофотограмметриялық аспаптарда немесе жазық типті стереокомпараторларда өлшенеді. Соңғы жағдайда анықталатын нүктелердің кеңістіктегі координаталары ЭЕМ көмегімен есептеледі. Нүктелерді планға салу және бедерді сызу автоматты графқұрушы көмегімен орындалады.