Судандағы үшінші азамат соғысы
 | Бұл мақалада ағымдағы оқиға баяндалады. |
| Судандағы үшінші азаматтық соғыс | |
.svg) | |
| Дата |
15 сәуір 2023 жылдан – қазірге дейін (2 жыл, 7 ай, 28 күн) |
|---|---|
| Орын | |
| Себеп |
ЖӘК-ті армия құрамына қосу мәселесіндегі келіспеушіліктер. |
| Статусы |
Белсенді фаза |
Судан Қарулы күштері (СҚК) мен Жедел әрекет ету күштері (ЖӘК) арасындағы азаматтық соғыс — 2023 жылғы 15 сәуірде басталған қарулы қақтығыс. СҚК елдің қазіргі билігі саналатын Уақытша егемендік кеңесінің жағында. ЖӘК — «Джанджавид» жасақтарынан шыққан жартылай әскери құрылым. Қақтығыстың негізгі себебі — ЖӘК-ті армия құрамына қосу мәселесі. Астанада басталған ұрыстар қысқа мерзім ішінде елдің басқа өңірлеріне де тарады.
2025 жылдың күзіне қарай Судан армиясы астана Хартум мен орталық өңірлерді қайтадан өз бақылауына алды, ал Жедел әрекет ету күштері батыс аймаққа шегініп, Дарфур өңіріндегі бес провинцияның төртеуінің әкімшілік орталықтарын бақылауды жалғастырып отырды.[1]
Алғышарттар
[өңдеу | қайнарын өңдеу]2018 жылғы 19 желтоқсанда Суданда өмір сүру құнының күрт өсуі мен экономикалық жағдайдың нашарлауына байланысты жаппай наразылықтар басталды.[2] 2019 жылғы қаңтарда қарсылықтың негізгі ұраны өзгеріп, наразылық білдірушілер елді 30 жылға жуық басқарған президент Омар әл-Баширдің қызметінен кетуін талап ете бастады.[3][4]
Осы жағдайдың аясында 11 сәуірде әскери төңкеріс болды: президент тұтқындалып, билікке хунта келді. Мемлекеттің жаңа басшысы болып Абдель Фаттах әл-Бурхан тағайындалып, ол Уақытша әскери кеңесті (кейінірек — Суверендік кеңес) басқарды. Кеңес құрамына азаматтық тұлғалар да, әскери өкілдер де кірді. Алайда екі жыл ішінде бұл орган ел ішінде бұрыннан келе жатқан саяси қайшылықтарды еңсере алмады. Бұған қоса, Кеңес Халықаралық валюта қорынан несие алу үшін қатаң экономикалық реформалар жүргізе бастады, бірақ бұл шаралар халық тарапынан қарсылық тудырды.[5]
2021 жылғы 21 қыркүйекте бұрынғы президент Омар әл-Баширді қолдаушылар мемлекеттік төңкеріс жасауға әрекеттенді, алайда бұл әрекет сәтсіз аяқталды.[6][7]
Барысы
[өңдеу | қайнарын өңдеу]2023 жылғы 15 сәуірде ЖӘК бүкіл ел аумағындағы, соның ішінде астана Хартумдағы Судан қарулы күштерінің көптеген базаларына шабуыл жасады.[8][9] ЖӘК президент сарайын және Хартум халықаралық әуежайын басып алғанын мәлімдеді,[10] алайда бұл ақпаратты билік өкілдері жоққа шығарды.[11][12] Судан армиясы елдегі барлық әуежайлардың жабылғанын жариялады,[13] ал Суданның әскери-әуе күштері Хартум қаласындағы ЖӘК позицияларына әуе соққыларын жасады.[8][14] Қаланың әртүрлі бөліктерінде артиллериялық атыс дауыстары естілді.[15] Сонымен қатар мемлекеттік Sudan TV телерадиокомпаниясының штаб-пәтерінде қақтығыстар болғаны туралы хабарланды[16]. Куәгерлер мен «Аль-Арабия» телеарнасы кейінірек телестанцияның ЖӘК күштерінің бақылауына өткенін хабарлады.[8][17] Қала аумағында бақылау-өткізу бекеттері орнатылды.[18]
Дереккөздер
[өңдеу | қайнарын өңдеу]- ↑ Государственный министр Судана: Силы СБР в первые дни после захвата Эль-Фашира убили 300 женщин (орыс.) (3 ноября 2025).
- ↑ Several killed in Sudan as protests over rising prices continue (ағыл.).
- ↑ Reuters. Sudanese police fire on protesters demanding president step down (17 қаңтар 2019).
- ↑ 'It's more than bread': Why are protests in Sudan happening? (ағыл.).
- ↑ В Судане произошла попытка переворота.
- ↑ Sudan failed coup: Government blames pro-Bashir elements (ағыл.) (21 қыркүйек 2021).
- ↑ Sudanese officials say coup attempt has failed (ағыл.).
- ↑ a b c Sudan: Fighting erupts in Khartoum as army and paramilitary force clash, British Broadcasting Corporation (15 сәуір 2023).
- ↑ SudanTribune Fighting broke out in Sudan between national army and RSF militiamen (ағыл.) (15 сәуір 2023).
- ↑ Спецназ Судана заявил о взятии под контроль аэропортов в Хартуме и Мерове.
- ↑ السودان.. اشتباكات عنيفة بين الجيش وقوات الدعم السريع (لحظة بلحظة) (ар.).
- ↑ Суданская армия заявила, что контролирует аэропорты Хартума и Мерове.
- ↑ دارفور ٢٤ استمرار الاشتباكات بين الجيش والدعم السريع بالخرطوم ومروي (ар.) (15 сәуір 2023).
- ↑ السودان.. اشتباكات عنيفة بين الجيش وقوات الدعم السريع (ар.).
- ↑ العربية طيران حربي في الخرطوم.. وضرب مقرات الدعم السريع (ар.) (15 сәуір 2023).
- ↑ العربية [@@AlArabiya] (2023-04-15). "التلفزيون السوداني يتحدث عن وجود اشتباكات في مقره بـ #أم_درمان ودوي إطلاق نار" (Tweet) (in араб тілі). Retrieved 2023-04-25 – via Twitter.
- ↑ العربية عاجل [@@AlArabiya_Brk] (2023-04-15). "مراسل العربية: قوات الدعم السريع تسيطر على مبنى الإذاعة والتلفزيون في" (Tweet) (in араб тілі). Retrieved 2023-04-25 – via Twitter.
- ↑ OSINTdefender [@@sentdefender] (2023-04-15). "Bridges and Roads are being Closed across the City as both Forces are beginning to set up Checkpoints, there have been reports that they are Firing Indiscriminately so it is recommended that Civilian being to "Shelter-in-Place" until further notice" (Tweet) (in ағылшын тілі). Retrieved 2023-04-25 – via Twitter.