Суды бірлесіп пайдалану
Суды бірлесіп пайдалану— жеке пайдалануға берілген сутоғандарды немесе олардың бөліктерін қоспағанда, сутоғандардың түрлі заңды ұйымдар мен азаматтардың бірлесіп пайдалануында болуы мүмкіндігі. Суды бірнеше пайдаланушыға берген кезде төмен орналасқан су пайдаланушылардың мүдделері бірінші кезекте қанағаттандырылады. Су пайдаланушылар өзара мүдделерді ескеруге, бір-біріне суды пайдалану құқығын жүзеге асыруды қиындатпауға және зиян келтірмеуге міндетті.
Суды жайылымдарды суландыру үшін пайдалану[өңдеу | қайнарын өңдеу]
Суды жайылымдарды суландыру үшін пайдалану — заңды ұйымдар мен азаматтардың мал суаруды қамтамасыз ету мақсатымен жайылымдарды суландыру үшін жер бетіндегі және жер астындағы суды пайдалануы. Жайылымдарды суландыру үшін суды пайдалану шегенді және құбырлы құдықтарды, тоғандарды, апандарды, суландыру каналдары мен баска да құрылыстарды салу арқылы жүзеге асырылады. Суару алаңдары мен басқа да құрылғылар болғанда суды мал суару үшін пайдалануға жол беріледі.
Суды жеке пайдалану[өңдеу | қайнарын өңдеу]
Суды жеке пайдалану— суды жеке пайдалануды талап ететін қызметті жүзеге асыру үшін заңды ұйымдар мен азаматтарға сутоғандардың немесе олардың бөліктерінің жеке пайдалануға берілуі. Баска су пайдаланушылардың жеке пайдалануға берілген сутоғандарын пайдалануына Қазақстан Республикасының Су Кодесінің 36-бабында көзделген жағдайларда жол беріледі.
Суды жекеменшік қосалқы шаруашылық,бақ өсіру мен бақшашылық мұқтаждары үшін пайдалану[өңдеу | қайнарын өңдеу]
Суды жекеменшік қосалқы шаруашылық, бақ өсіру мен бақшашылық мұқтаждары үшін пайдалану — жекеменшік қосалқы шаруашылық жүргізетін, бақ өсіру мен бақшашылықпен айналысатын азаматтарға белгіленген лимиттерге сәйкес суару үшін судың бөлінуі. Жергілікті су ресурстары болмаған кезде суару үшін су бүрыннан бар су пайдаланушылардың лимиттерін қайта бөлу есебінен бөлінуі мүмкін.[1]
Дереккөздер[өңдеу | қайнарын өңдеу]
- ↑ Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |