Суды залалсыздандыру

Уикипедия — ашық энциклопедиясынан алынған мәлімет
Jump to navigation Jump to search

Суды залалсыздандыру — су құрамындағы ауру жұқтыратын бактерияларды жою тәсілдері. Суды залалсыздандырудың мынадай негізгі төрт әдісі бар: термиялық (қыздыру), өте күшті тотықтыру, физикалық (ультрадыбыстық, радиоактивті сөулелендіру және т.б.) және олигодинамия әдістері. Суды зарарсыздандырудың көп тараған түрі — хлорлау.

Суды кешенді пайдалану және қорғау схемалары[өңдеу]

Суды кешенді пайдалану және қорғау схемалары— 1) суды кешенді пайдалану мен қорғаудың басты және бассейндік схемалары халықтың, экономика салаларының су жөніндегі болашақтағы қажеттерін қанағаттандыру және айналадағы ортаның экологиялық тұрақтылығын қамтамасыз ету үшін суды сақтаудың негізгі су шаруашылық және басқа да шараларының белгіленуі. Суды кешенді пайдалану мен қорғау схемалары су ағысын реттеу, оларды үнемдеп жұмсау, пайдаланылған ақаба суды тегуді доғару және сутоғандарының жай-күйін жақсарту жөнінде шаралар қолдану арқылы суды мейлінше тиімді және ұтымды пайдалануды қамтамасыз ету үшін қызмет етеді. Суды кешенді пайдалану мен қорғау схемалары табиғатты және жер қойнауын қорғау органдары экологиялық сараптама жүргізгеннен кейін белгіленген тәртіпте бекітіледі; 2) халықтың, экономика салаларының су жөніндегі болашақтағы қажеттерін қанағаттандыру және айналадағы ортаның экологиялық тұрақтылығын қамтамасыз ету мақсатындағы шаралардың схемалары.

Суды коагуляциялау[өңдеу]

Суды коагуляциялау— судағы өте ұсақ үлпек-бөлшектердің пайда болу процесінен бастап, олардың — ірі үлпекке айналып, тұнба түрінде шөгуі. Суды коагуляциялаудың екі фазасын ажыратады: 1-фаза — коллоидты бөлшектер мен сузпенсияның (жүзінді) электр зарядын бейтараптандыруы. 2-фаза — ірі үлпектердің пайда болуы, яғни коллоид пен суспензия қосылып өте ірі жылдам шөгетін үлпекке айналуы. Коагуляция ретінде күкіртқышқылды аллюминийді пайдаланады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.