Суды мемлекеттік басқару органдары
Суды мемлекеттік басқару органдары — республикада суды мемлекеттік басқарудың Қазақстан Республикасы Үкіметінің, жергілікті атқарушы оргаңдардың, су ресурстарын басқаратын мемлекеттік орган, сондай-ақ арнайы уәкілдік берілген өзге де мемлекеттік органдардың өз құзыреті шегінде жүзеге асыруы. Жер асты суларын басқару геология және жер қойнауын қорғау органдарымен келісім бойынша жүзеге асырыады.
Суды мемлекеттік есепке алу және оны пайдалануды жоспарлау жөніндегі жұмыстарды қаржыландыру[өңдеу | қайнарын өңдеу]
Суды мемлекеттік есепкеалу және оны пайдалануды жоспарлау жөніндегі жұмыстарды қаржыландыру— суды мемлекеттік есепке алу, мемлекеттік су кадастрын және су мониторингін жүргізу, су шаруашылық баланстарын жасау, суды кешенді пайдалану мен қорғау схемаларын әзірлеудің республикалық бюджет есебінен жүзеге асырылуы. Суды мемлекеттік есепке алу, мемлекеттік су кадастрын және су мониторингін жүргізу, су шаруашылық баланстарын жасау, суды кешенді пайдалану мен қорғау схемаларын әзірлеп, бекіту тәртібін Қазақстан Республикасының Үкіметі белгілейді.
Суды мемлекеттік есепке алудың міндеттері[өңдеу | қайнарын өңдеу]
Суды мемлекеттік есепке алудың міндеттері— халықтың, экономика салаларының мұқтаждары және айналымдағы ортаның экологиялық тұрақтылығын сақтау үшін пайдаланылатын судың мөлшері мен сапасын анықтау. Суды мемлекеттік есепке алу: әлеуметтік-экономикалық дамудың және республика аумағында өндіргіш күштерді орналастырудың суды пайдалану мен молықтырудың, сондай-ақ су қорғау шараларын жүргізудің негізгі бағыттарын әзірлеу; суды кешенді пайдалану мен қорғаудың, мемлекеттік су кадастрын жүргізу үшін су шаруашылық баланстарының схемаларын жасау; суды пайда- ланумен байланысты су шаруашылық, көліктік, өнеркәсіптік және өзге де объектілер мен құрылыстарды, жобалау; гидрологиялық жағдайлардың, өзендердің сулылығы мен су сапасының өзгерістерін болжау; су шаруашылық жүйелерін жедел басқару және олардың жұмыс тиімділігін арттыру жөніндегі шараларды әзірлеу; су пайдаланушылар, сондай-ак басқа да мүдделі ұйымдар мен мекемелер арасындағы өзара катынастарды реттеу; Қазақстан Республикасының заңдарында көзделген өзге де мұқтаждар үшін қажетті деректер алуды камтамасыз етуге тиіс.[1]
Дереккөздер[өңдеу | қайнарын өңдеу]
- ↑ Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |