Сурикат

Уикипедия — ашық энциклопедиясынан алынған мәлімет
Навигацияға өту Іздеуге өту

Сурикат - шұбалаң құйрықтылар тұқымдасына, жыртқыштар отрядына жататын сүтқоректі жануар. Ол Калахари шөлін, Ботсвананы, Оңтүстік Африканы мекен етеді. [1]

Таралыңқы денесінің ұзындығы - 25 - 35 см, құйрығы - 17 -25 см. Салмағы - 730 грамдай. Аталығы аналығынан сәл үлкендеу. Ұзын да жұмсақ жүні - қызғылт сары, қоңыр түсті. Басы - ақ, құлағы - қара, құйрығы - сарғылт. Құйрығының ұшынан иығына дөйін көлденеңінен орналасқан қара жолақтары бар. Тереңдігі 1,5 метрге дейін баратын бірнеше есігі бар ін қазады. Паразит жәндіктер пайда болса немесе бір жайсыздық сезілсе, ол інді тастап, басқа інге көшіп кетеді.

Екі-үш отбасы топ болып бірігіп, 20 - 30 бастан тұратын шоғыр қурайды. Шоғыр мүшелері белгілі бір тәртіпкө бағынады. Басқалары жем іздеп немесе ойнап жүргенде бір екеуі кезектесіп мекенін күзетөді, Сурикаттар індерінде өздерімен сары мангуст пен жер тиінінің бірге тұруына қарсы болмайды.

Сурикаттың аналығы жылына төрт ретке дейін төлдейді. Кейде төрт-бес, кейде жетеу табады. Шақалары анасын 7-9 апта емеді. Сурикаттар 10 жыл өмір сүреді. Олар негізінен жәндіктермен қоректенеді. Сурикат ін қазып жатқанда топырақ түспесін деп құлағын бітеп алады. Оның шатындағы хош иіс шығаратын безі тері қатпарларының астында көрінбей тұрады. Осы тері қатпарларының арасында хош иісті сұйықтық сақталады.

Дереккөздер[өңдеу | қайнарын өңдеу]

  1. [Ж 24 Жануарлар. – Алматы: “Aруна” баспасы. “1100 қызықты деректер”. ISBN 978-9965-26-546-4].