Сциндапсус

Уикипедия — ашық энциклопедиясынан алынған мәлімет
Jump to navigation Jump to search
Сциндапсус
Scindapsus pictus var. argyreus
Scindapsus pictus var. argyreus
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Дара жарнақтылар
Сабы: Alismatales
Тұқымдасы: Araceae
Кіші тұқымдасы: Monsteroideae
Тайпасы: Monstereae
Тегі: Scindapsus
Schott
Синонимдері

Cuscuaria Schott

Сциндапсус (лат. Scindapsus) – шаяноттар тұқымдасының лат. Araceae 113 тегінің бірі. Лиана.

Таралуы[өңдеу]

Сциндапсус Орталық және Оңтүстік Америка, Азияның тропикалық ормандарында таралған. Қазақстанда бөлме гүлдері ретінде өсіріледі.

Биологиялық сипаттамасы[өңдеу]

Өсімдік морфологиясы

Ірі, көпжылдық, шөптес, мәңгі жасыл лиана.

Жапырақтары ірі, қарапайым, көн тәрізді, кезек орналасқан, қара-жасыл түсті, көбіне ақшыл дақтарымен. Жапырағының ұзындығы 10-15 см, ені 6-8 см. Бұтағының ұзындығы 5-6 метрге дейін жетеді.

Гүлшоғыры - собық.

Гүлдері - қос жынысты.

Күтімі[өңдеу]

Үй жағдайында өте тез өсетін, ерекше күтімді қажет етпейтін шырмауық өсімдік. Түбегіне мүкпен оралып жасалынған тіреу қойса, ауа тамырларымен шырмалып жоғарыға қарай өседі. Немесе аспалы түбектерге отырғызып өсірсе, ол төменге қарай жайылып өседі. Жапырақтары әдемі, жылтыр, ала, жасыл түсті, сары сызықтары бар, жүрек пішінді болады.

  • Жарығы: Жарық жерде өсіреді. Күннің тіке түскен сәулесінен сақтау керек. Жарық жетіспеген жағдайда жапырақтары сары жолақтарын жоғалтып, әрсіз болып, ұсақталып кетеді.
  • Жылуы: Барлық ароидтар сияқты жылуды жақсы көреді, қыста 16°C төмен болмағаны абзал.
  • Суғарылуы: Көктем мен жазда жиі, қыста сирек суғарады. Артық суғарылса тамыры шіріп кетеді.
  • Ылғалдылығы: Жапырағына су бүркіп тұру керек.
  • Қоректендірілуі: Наурыз айынан қазан айына дейін әдемі жапырақты өсімдіктерге арналған сұйық тыңайтқышпен үш аптада бір рет қоректендіріледі.
  • Аурулары: Дұрыс күтім жасалса ауруға шалдықпайды.
  • Көбейтілуі: Қалемше және түбін бөлу арқылы көбейтіледі.

Галерея[өңдеу]

Сілтемелер[өңдеу]

Ортаққорда бұған қатысты медиа файлдар бар: Scindapsus

Дереккөздер[өңдеу]

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727