Сымбат Қажымұратқызы Ахметова

Сымбат Қажымұратқызы Ахметова - театр артисті. Ол 1979 жылы желтқсан айының 6 жұлдызында Семей облысы, Аягөз ауданы, Ақшәулі ауылында дүниеге келді. Ақшәулі орта мектебін бітіріп, 1998 жылы Мұқан Төлебаев атындағы саз кооледжінің «Театр өнері» бөліміне профессор Д.Тұранқұлқызының класына қабылданды. Актер шеберлігі, сахна тілінен профессор М.Омарбаева, режиссер А.Айтибаев, аға оқытушы М.Алепаровлардан дәріс алып, актерлік өнерімен әншілік өнерін ұштастыра білді. 2001 жылы Мұқан Төлебаев атындағы саз колледжді үздік бітіріп, «Дариға-ай» жастар театрына актриса болып қабылданды. 2004 жылы Республикалық Оралхан Бөкей атындағы көркемсөз шеберлері конкурсының лауреаты атанды. Актерлық шеберлігі жоғары, дауысының диапазоны кең, лирикалық сопрано, сомдаған рольдері социалдық және лирикалық героинялар. Сымбат Ахметова Қазақстан Театр қайраткерлері Одағының мүшесі болып келеді.

Сомдаған рольдері:

• Д.Исабеков «Әпке» - Кәмиля, Гауһар образы
  

• М.Шаханов «Танакөз» - Нұргүл апа образыі
  

• Ж.Б.Мольер «Сараң» - Элиза образы
  

• М.Хасенов «»Пай, пай, жас жұбайлар-ай» - Зәуреш образы
  

• Г.Горин «Ұмытыңдар Геростратты» - Клементина образы
  

• Шыңғыс Айтматов «Ақ кеме» - Бекей
  

• Н.Оразалин «Аққұс туралы аңыз»- Меңсұлу образы
  

• К.Тоқаев «Солдат кетті соғысқа» - Санитарка
  

• Уильям Шекспир «Ромео және Джульетта» - Джульеттаның анасы
  

• Р.Киплинг «Маугли» - Ана бөрі
  

• М.Рахимжанов «Әміре – аяқталмаған ән» - мейірбике
  

• Ә.Тауасаров «Махаббат аралы» - Айна
  

Кәсіби шеберлігін жетілдіру мақсатында актер, режиссер, Қазақстанның халық әртісі Тұңғышбай Жаманқұлов, профессор Дариға Тұранқұлқызы, белгілі режиссер, Қазақстан Республикасының Еңбек сіңірген қайраткері Нұрлан Жұманиязов, режиссер Жұлдызбек Жұманбай сынды өнер қайраткерлерінің шеберлік кластарының дәрістерін, тәжірибелік білімдерін тыңдады.

2010 жылы Театр күніне арналған, көркемдік кеңестің шешімі бойынша театр тағайындаған жылдық ең үздік актрисасы атанып «Акбар» сыйлығын жеңіп алды.

2013 жылы Бүкіләлемдік театр күніне арналған «Маска» сыйлығы «Ең үздік әйел адамның ролі» номинациясы бойынша дипломмен марапатталды.

2014 жылы Бүкіләлемдік театр күніне орай Қазақстан Театр қайраткерлері Одағының мақтау грамотасымен марапатталды.

2014 жылы Халықаралық театр күні қарсаңында «Жыл актрисасы» номинациясы бойынша Облыстық мәдениет басқармасының дипломымен марапатталды.