Сібір тасжарғаны

Уикипедия — ашық энциклопедиясынан алынған мәлімет
Навигацияға өту Іздеуге өту

Сібір тасжарғаны[өңдеу | қайнарын өңдеу]

Сібір тасжарғаны-тасжарғандар тұқымдасына жататын өсімдік.Қазақстандық он түрдің ішіндегі жиі кездесетіні.Барлық шығыс тау жоталарында және Қазақстанның оңтүстігінде Алтайдан Батыс Тянь-Шаньға дейін кездеседі.Ірі қиыршық кейде ортаңғы және жоғарғы тау бөктерлеріндегі сирек ормандарда өседі.Онша үлкен емес,көпжылдық,жұқа сабақты биіктігі (30 см-ге дейін) және ақшылдау жер асты түйнектерімен.Жапырағы бүршік тәрізді,ұшына қарай біртіндеп кішірейе түскен,терең тілінген жеті-тоғыз дөңгеленген қалақшалы.Гүлдері жұқа,ұзын гүлтабанында,гүлшоғыры онша үлкен емес,сыпыртқыға ұқсас (2-7 гүлден тұрады).Гүлдердің құрылысы алдыңғы түрдікіндей.Тостағанша безді түктерімен,желектері ақ,барынша ірі (ұзындығы 1,5 см ,ені 1 см)тостағаншадан екі есе ұзын.Гүлдеу мерзімі мамыр-шілде,шілде-тамызда жеміс береді.Өзіндік ерешелігі бар декоративті омарталық өсімдік.Халық медицинасында жер үсті бөлігі бауыр ауруларын емдеуге қолданады.[1]

Дереккөздер[өңдеу | қайнарын өңдеу]

  1. Қазақ Энциклопедиясы, республикалық ғылыми-танмыдық, көпшілік журнал, 2010 жыл ISSN 2078-6727