Сұлтанбеков Ратай
Сұлтанбеков Ратай (1923, Талас ауданы, Бөлтірік ауылы (бұрынғы Кеңес кеңшары) – 1945, Берлин қаласы, Германия) – әскери басшы, гвардия майоры. Әкеден жастай жетім қалған Сұлтанбеков Түркістан, Қызылорда, Манкент қалаларында білім алады. Оныншы класты алтын медальмен бітіреді. Алматы медициналық институтының үшінші курсын оқып жүргенде соғыс басталып, әскер қатарына алынады. Қысқа мерзімді әскери курста – училищеде оқып шығып, лейтенант әскери шеніне ие болады. Майданда батальон командирі қызметін атқарады. 1944 жылғы 15-қыркүйекте 20-дан жаңа асқан гвардия майоры Сұлтанбеков елге, қазіргі Талас ауданы Бөлтірік ауылына демалысқа келіп қайтады. Майданда көрсеткен ерлігі үшін 20 жастағы гвардия майоры, батальон командирі СұлтанбековРатай бірнеше ордендермен марапатталған. Ол бастаған батальон майдандағы ауыр шайқастарға қатысты. Гвардия майоры Сұлтанбеков 1945 жылы жеңіске санаулы күндер қалғанда «Одер операциясы» кезінде Бранденбург түбінде ерлікпен қаза тапты. Оның есімі Қаратау қаласының бір көшесіне берілді.
Сілтеме[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|