Сұлтанғали Садырбаев

Садырбаев Сұлтанғали

Садырбаев Сұлтанғали (1931 жылдың 15 тамызында Алматы облысы Жамбыл ауданы Қарақыстақ ауылы) — ғалым, филология ғылымдарының докторы (1994), профессор (1996). 1955 жылы ҚазМУ-ді, 1962 жылы Қазақстан ғылым академиясының Әдебиет жөне өнер институтының аспирантурасын бітірген. 1955-57 жылдары еңбек жолын орта мектептің мұғалімі ретінде бастаған. 1958-59 жылдары “Лениншіл жас” газетінің өдеби қызметкері болып істеді. 1962 жылдан ҚазМУ-де оқытушы-профессор. Қазір осындағы “Қазақ фольклористикасы” ғылыми-зерттеу лабораториясының жетекшісі. Садырбаевтың ғылыми еңбектері қазақ фольклорының эстетикасы мен этнографиялық сипатын, шешендік өнерді, қазақ-қырғыз этностарының тарихи негіздерін зерттеуге арналған.

Еңбектері

Ол “Фольклор жөне эстетика” (1976), “Қазақ халқының ауыз әдебиеті” (1977), “Қазақ халық әдебиеті” (1990), “Халық әдебиетінің тарихи негіздері” (1992), “Жамбыл жөне фольклор” (1996), “Фольклор жөне публицистика” (2002) атты оқулықтар мен монографиялардың авторы. Анасы Мәстүраның өнегесімен Сүйінбай өлеңдерін жинау, зерттеп, жариялау ісіне үлкен үлес қосты. 1982-96 жылдары Ж. Жабаевтың академиялық толық жинағын шығарды. Мұрын жыраудың “Қырымның 40 батыры” жыры туралы монография жазды. “Сөздің пірі — Сүйінбай”, “Жамбьіл: адамзаттың ұлы жыршысы”, “Қарасай батыр” және “Қыз ұзату” деректі телефильмдердің авторы.

Марапаттары

2003 жылы Садырбаевқа “ҚР-ның ғылымын дамытуға сіңірген ерекше еңбегі үшін” ғылыми атағы берілді. Садырбаев Сұлтанғали Жамбыл ауданының және Форт-Шевченко қаласының "Құрметті азаматы".