Сұлушаш Құлжабайқызы Нұрмағамбетова
Сұлушаш Құлжабайқызы Нұрмағамбетова (02.01.1951, Райымбек ауданы, Нарынқол ауылы) — КСРО және қазақ әншісі, Қазақстанның еңбек сіңірген әртісі (1998).
Өмірбаяны[өңдеу | қайнарын өңдеу]
Сұлушаш Құлжабайқызы (Аршабайқызы) Нұрмағамбетова 1951 жылы 2 қаңтарда Алматы облысы, Райымбек ауданы, Нарынқол ауылында дүниеге келген.
- 1968 жылы Нарынқол ауылындағы Абай атындағы орта мектепті, 1973 жылы Алматы республикалық эстрадалық цирк өнері училищесін бітірген.
- 1973-1995 жылдары - «Қазақконцерт» мемлекеттік концерттік ұйымы» кәсіпорнының әртісі болды.
- 1995-1996 жылдары «Жазира» ансамблінің солисті.
- 1996-1998 жылдары Құрманғазы атындағы Қазақ мемлекеттік академиялық халық аспаптар оркестрінің солисті.
- 1998-2003 жылдары Сүйінбай атындағы Алматы облыстық филармониясының әншісі.
- 2003 жылдан қазіргі уақытқа дейін шығармашылықпен айналысып, тәжірибесін кеңейту бағытында жұмыс істеп келеді.
Шығармашылығы[өңдеу | қайнарын өңдеу]
Оның репертуарында қазақ композиторларының әндерімен қатар қырғыз, қарақалпақ, түрікмен, орыс халық шығармалары бар. Ол Алжирге, Өзбекстанға, Қытайға, Польшаға және т.б. ұжымдық гастрольдерге барды.
Оның репертуарында 250 ән болса, оның 150-і Қазақ радиосының алтын қорында сақталған. Оның 6 оқушысы бар. 2010 жылы «Алтын топтама» альбомы шықты, оның орындауындағы 109 ән бар.
Марапаттары мен атақтары[өңдеу | қайнарын өңдеу]
- Қазақстан Республикасы Президентінің 1998 жылғы 22 қазандағы жарлығымен қазақ әні өнерін дамытуға сіңірген еңбегі үшін «Қазақстанның еңбек сіңірген әртісі» атағы берілді.
- «Ерен еңбегі үшін медалі» (Қазақстан) (2008)
- «Қазақстан Республикасының тәуелсіздігіне 20 жыл» медалі (2011)
- Қазақстан Республикасы Президентінің 2019 жылғы 29 қарашадағы жарлығымен музыка өнерін дамытуға қосқан елеулі жеке үлесі және көп жылғы жемісті шығармашылық қызметі үшін «Құрмет» орденімен марапатталды.
- Алматы облысының Құрметті азаматы.
- Алматы облысы Райымбек ауданының Құрметті азаматы, т.б.
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|