Сұрақ және жауап сайты

Уикипедия — ашық энциклопедиясынан алынған мәлімет
Jump to navigation Jump to search
Сұрақ және жауап сайты
Сұрақ және жауап сайтының басты беті
Сұрақ және жауап сайтының басты беті
Сұрақ және жауап сайтының басты беті
URL:

surak-zhauap.kz,
szh.kz

Коммерциялық:

иә

Сайттың түрі:

сұрақ және жауап

Тіркелу:

міндетті емес

Тіл(дер)і:

қазақша

Кірушілер саны:

13000

Авторы:

Ербол Серікбай

Ашылған уақыты:

10 қазан 2010 жылы

Қазіргі статусы:

белсенді

Сұрақ және жауап сайты — сұрақ қойып, жауап алатын қазақша веб-сервистік сайт. Сайттың жұмыс істеу принципінің бір ерекшелігі — бұл жерде қойылған сұрақтарға компьютер емес, шынайы адамдардан, яғни қарапайым қолданушылардан жауап алуға болатындығында. Қолданушылар қалаған сұрағын қояды, жауап та береді немесе берілген жауапқа байланысты өз ойын білдіре алады. Сайт негізін қалаушы және сонымен қатар сайт әкімшісі Ербол Серікбай.[1]

Zero.kz сайтының мәліметі бойынша сайтқа күніне 13000-ға жуық интернет қолданушылары кіреді. [2]

Тарихы[өңдеу]

2010 жылы қазан айының 10 күні сайт өз жұмысын бастады. Сайт негізін қалаушы Ербол Серікбай «Нұр Астана» республикалық жастар апталығына берген сұхбатында былай деген болатын[1]:

«Бір күні ақпарат іздеп mail.ru-дың жауап бөліміне кірдім. Бір қарындасымыз сұрақ қойған екен. Орыс тілінде қойылған сұрақтарға жауап бар да, ал қазақша қойылғаны жетімнің күйін кешіпті. Осы келеңсіздікті көргенде басыма «неге таза қазақ тілінде сұрақ-жауап сайтын ашпасқа» деген ой келді.»

Сайт ең алғашында жұмысын 15-20 қолданушымен бастап, 2013 жылы желтоқсан айының 18 күнгі дерек бойынша 27885 қолданушыға жетті. Сонымен бірге сайтта осы уақытқа дейін 68107 сұрақ қойылып, 166309 жауап алынды.[3]

2015 жылы СЖ сайты сұрақтар бөлімін http://surak.szh.kz етіп, жеке отауға шығарды. Сондай-ақ, қолданушылардың жеке блогын жазуларына арналған жаңа мүмкіндік қосылды. 2016 жылы сайтты дамыту мақсатында Жаңалықтар бөлімін енгізді.

Жұмыс істеу принципі[өңдеу]

Сұрақ қоюға немесе жауап беруге стимул болу үшін сайтта балл жинау және жиналған балына қарай атақ-дәреже беру жүйесі қалыптасқан. Тек тіркелген қолданушылар ғана сұрақ қойып, жауап беруге және жоғары немесе төмен дауыс беруге құқығы бар. Сұрақ қоюшы сұрағына жауаптар ғана алып қана қоймай алынған жауаптар арасынан жақсы жауапты таңдай алады.

Сын[өңдеу]

Сұрақ және жауаптың тіркелген бетте ақпарат алмасу мүмкіндігі зор болғанымен, теріс жақтары да аз емес. Мысалы: мағынасыз сұрақтар қойылып немесе мәнсіз, адасқан жауаптардың алынуы.Сайтта кей кездері қолданушылар санының артуына байланысты техникалық ақаулықтардың туындауы.[4] Сондай-ақ сайтқа бірнеше мәрте электронды поштаны міндетті түрде растамай-ақ сайтқа тіркеле алу мүмкіндігі. Сайтқа жарияланған сұрақ болсын, жауап болсын, мейлі пікір болсын алдын ала модерациядан өтпейді. Мұның бәрі спамдарға, флудтауға және троллиннгке әкеліп соқтыруы әбден мүмкін.[1]

Дереккөздер[өңдеу]