Сәбит Намазов

Сәбит Намазов (1943-2003, Батыс Қазақстан облысы). ҚазПТИ-ді бітірген (1968). 1968-1972 жылдары Мартыши мұнай өндіру кәсіпшілігінде ұңғымаларды зерттеу операторы, «Доссормұнай» мұнай-газ өндіру басқармасы Орталық инженерлік-технологиялық қызметінің ауысым бастығы. 1972-1976 жылдары - «Жайықмұнай» мұнай-газ өндіру басқармасында геолог, аға инженер-технолог, аға геолог, геология бөлімінің бастығы. 1976-1982 жылдары - «Ембімұнай» бірлестігінің геологы, бөлімнің аға геологы. 1982-1993 жылдары - «Жайықмұнай» басқармасының бас геологы, бастықтың орынбасары. 1993-1995 жылдары - «Ембімұнайгаз» акционерлік қоғамының бас геологы, бас директордың орынбасары. 1995 жылдан қайтыс болғанға дейін - «Ембімұнайгаз» акционерлік қоғамы Орталық ғылыми-зерттеу зертханасының директоры.