Сәбит Қадырбекұлы Сапарбеков

Уикипедия — ашық энциклопедиясынан алынған мәлімет
Навигацияға өту Іздеуге өту
Сәбит Сапарбеков
Туған күні

21 ақпан 1989 (1989-02-21) (35 жас)

Туған жері

Шымкент облысы, Қазақстан

Азаматтығы

 Қазақстан

Ұлты

Қазақ

Қызметі

Тоғызқұмалақ жаттықтырушысы

Жұбайы

Аяулым Тастанбек

Сәбит Қадырбекұлы Сапарбеков (21 ақпан 1989 жыл, Шымкент қаласы, Қазақ КСР) — қазақ тоғызқұмалақшысы, спорттың осы түрінен Қазақстанның еңбек сіңірген жаттықтырушысы, ұлттық дәрежедегі төреші.

Әкесі Қадырбек те тоғызқұмалақтан 20 жылға жуық бапкерлікпен айналысқан.

Өмірбаяны[өңдеу | қайнарын өңдеу]

Шымкент қаласында дүниеге келген. 1996-2005 жылдар аралығында Шымкент қаласындағы №66 «Қазығұрт» орта мектебін озат оқушы ретінде тәмамдады. 2005-2009 жылдары Шымкент көлік коммуникация және жаңа технологиялар колледжін, 2010-2014 жылдары Мардан Сапарбаев атындағы институтын спорт және дене шынықтыру мамандығы бойынша бітірген. Төрт-бес жасынан бастап қазақтың ұлттық спорты тоғызқұмалақпен айналысып, көптеген республикалык халықаралық жарыстардың жеңімпазы атанды. Оқушылар арасында, жастар арасында Қазақстан чемпионаттарының жүлдегері ретінде танылды. Ересектер арасында ҚР командалық чемпионаттары мен Ел кубогі жолындағы сайыстарда чемпион атағына қол жеткізді.

Шымкенттегі ұлттық спорт түрлері клубында жаттықтырушы. Шәкірттері халықаралық, республикалық жарыстарда топ жарып жүр. 2015 жылы 26 жасында тоғызқұмалақтан Қазақстан Республикасына Еңбек сіңірген жаттықтырушы атағына қол жеткізіп, елімізде бұл атақты иемденген ең жас бапкер ретінде тарихта қалды. ҚР Тоғызқұмалақ федерациясының баспасөз хатшысы міндетін атқарған.

2017 жылдан бері ұлттық дәрежедегі төреші.

Жетістіктері[өңдеу | қайнарын өңдеу]

Марапаттары[өңдеу | қайнарын өңдеу]

  • Тоғызқұмалақтан спорт шебері: 2009
  • ҚР еңбек сіңірген жаттықтырушы: 2015

Жеке өмірі[өңдеу | қайнарын өңдеу]

  • Отбасылы. 2016 жылы жары Аяулым Тастанбекпен шаңырақ көтерді. Екі ұлдың әкесі.

Сілтемелер[өңдеу | қайнарын өңдеу]