Сәдуақас Баймаханов

Уикипедия — ашық энциклопедиясынан алынған мәлімет
Jump to navigation Jump to search

Сәдуақас Баймаханов (1903, бұрынғы Сырдария губерниясы, Ақмешіт уезі, 5-а. – 1938) – қайраткер, саяси қуғын-сүргін құрбаны. 1932 жылы Ташкент қаласындағы Орта Азия мақта шаруашылығы институтын бітірген. 1919 – 21 жылдары Қызылорда уездік статистикалық бюрода көшірмеші, Ташкентте комсомол қызметкері. 1921 – 24 жылдары Түркістан Коммунистік Жастар Одағы (ТКЖО) ОК жанындағы Қырғыз баспа бөлімінің меңгерушісі, “Жас қайрат” газетінің (кейінен журнал) редакторы, ТКЖО ОК саяси ағарту бөлімі меңгерушісінің орынбасары, 1924 – 26 жылдары Ташкенттегі Сырдария ауыл шарушылығы техникумының директоры болды. 1926 – 29 жылдары Қызылорда уездік-қалалық коммитетінің үгіт-насихат бөлімі және ұйымдастыру бөлімінің меңгерушісі, Сырдария губерниясының Ташқазақ уездік коммитетінің хатшысы, Адай округі коммитетінің үгіт-насихат бөлімінің меңгерушісі, Петропавл губерниясы коммитетінің үгіт-насихат бөлімі меңгерушісінің орынбасары және “Кеңес ауылы” газетінің редакторы, 1932 – 33 жылдары Ташкенттегі Орта Азия мақта өсіру ғылыми-зерттеу институтының сектор жетекшісі, 1933 жылдың тамызынан 1937 жылдың сәуіріне дейін Қазақ АКСР халық ағарту халық комиссарының орынбасары, 1937 жылдың мамырынан қарашасына дейін Мирзоян ауданы партия коммитетінің хатшысы қызметтерін атқарды. 1937 жылы қараша айында тұтқындалып, ату жазасына кесілді. 1957 жылы қазанда ақталды. [1]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том