Сәулеттік акустика

Уикипедия — ашық энциклопедиясынан алынған мәлімет
Jump to navigation Jump to search
Толық мақаласы: Акустика
Сәулеттік акустиканы дұрыс қолдану мысалы, Бирмингем, Симфониялық залы

Сәулеттік акустика - дыбыстың ғимарат белмелері ішінде таралуы және жұтылуы туралы ғылым.[1]

Ең басты міндеттері:

  1. дыбыстың анық, күштірек естілуін қамтамасыз ету (театр, аудитория, концерттік залдар т.б. жерлерде);
  2. адамның дем алуына, қызмет істеуіне кедергі жасайтын, у-шу, жат дыбыстарды жою не бәсеңдету;

Үй ішіндегі дыбыстың даладағыдан айырмашылығы қайталанып естілуінде. Дыбыс қабырға, сәкі, төбеге жеткенсоң жаңғырығады. Бөлме ішінде дыбыс күшінің біркелкі тарауы - үйдің формасы мен акустикалық жабдықтардың дұрыс орналастыруына байланысты.

Дөңгелек, эллипс формалы бөлмелер төрт бұрышты бөлмелерге қарағанда, акустика жағынан көбінесе қолайсыз келеді. Себебі, дөңгелек бөлмелерде бір дыбысқа бір дыбыс кеш ұласып, шу пайда болып, дауыс, музыка анық естілмейді. Яғни, жаңғырық та керек, бірақ оның мөлшері тыңдаушыға жету мерзімі дауыстың дұрыс естілуін қамтамасыз ететіндей болғаны жөн.

Аудитория мен конференц залдардың қабырғаларын қалаған кезде, дыбыстың анық естілуіне себі тиетін, жаңғырықты азайтатын материалдар пйдаланады, концерт және театр залдарының ішін әшекейлегенде дауыстың табиғи әрі күштірек естілуі көзделеді.

Дереккөздер[өңдеу]

  1. Орысша-қазақша түсіндірме сөздік: Механика / Жалпы редакциясын басқарған э.ғ.д., профессор Е. Арын — Павлодар: «ЭКО» ҒӨФ. 2007 жыл.-29 1 б. ISBN 9965-08-234-0
  • Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том