Сәуле Жаманқызы Таудаева

Сәуле Жаманқызы Таудаева (8 наурыз, 1958 жылы туған, Батыс Қазақстан облысы Ақжайық ауданы, Тайпақ ауылы) - қазақ әншісі, халық және дәстүрлі әндерін орындаушы. Қазақстанның еңбек сіңірген әртісі (1996).

Өмірбаяны

Орта мектепті бітіргеннен кейін еңбек жолын аумақтық мәдениет үйінде автоклуб меңгерушісі болып бастады.

1979 жылы Алматы республикалық эстрадалық цирк училищесінің халық әні бөліміне оқуға түсіп, оны 1981 жылы бітірді. (Қазақ КСР халық әртісі Ғарифолла Құрманғалиевтың сыныбы).

1981 жылы Алматы эстрада-цирк өнері студиясын бітіртен. Сол жылы "Отырар сазы" фольклорлық-этнографиялық оркестріне жұмысқа қабылданды. 1982 жылдан бастап, Ғ.Құрманғалиев атындағы Батыс Қазақстан облыстық филармония әншісі. Сәуленің жетекшілік етуімен 1984 жылы "Гүлдерайым" триосы құрылды. Қазір Орал музыкалық колледжінде ұстаздық етеді. Сәуле бірнеше республикалық байқаулардың жеңімпазы. Шығармашылық сапармен шет елдерді аралап, өнер көрсетті.

1994 жылдан Құрманғазы атындағы Орал музыкалық колледжінде қазақтың дәстүрлі әндері мен термелері, Мұхит, Ғарифолла әндері пәнінің мұғалімі.

2002 жылдан Батыс Қазақстан мемлекеттік университетінің (Орал) «дәстүрлі ән» кафедрасының оқытушысы болды.

Марапаттары мен атақтары

Ғ. Құрманғалиев атындағы Халықаралық ән байқауының бас жүлдесі. (Ақтау, 1993);

Қазақстанның еңбек сіңірген әртісі – қазақ ән өнерін дамытуға сіңірген еңбегі үшін. (10 желтоқсан 1996 ж.);

«Ғарифолла Құрманғалиевке 100 жыл» мерекелік медалі (2009);

«Қазақстан Республикасының тәуелсіздігіне 25 жыл» медалі (2016);

«Астанаға 20 жыл» медалі (2018);

«Құрмет » ордені (3 желтоқсан 2020 жыл).