Сәуле Мешітбайқызы Мешітбаева
Сәуле Мешітбаева — қоғам қайраткері[1], 20.09.1946 жылы Жамбыл облысы Көктерек ауданы Бірлік аулында дүниеге келді.
«QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті, «ЕлАна» қоғамдық-танымдық, әлеуметтік-ақпараттық сайтының Бас редакторы, Қазақстан Республикасы Журналистер Одағының мүшесі.
Өмірбаяны[өңдеу | қайнарын өңдеу]
Бүгінде жоғарыдағыдай ақпарат құралдары арқылы халықтың жанайқайын билікке жеткізіп, қоғамның ауыр жүгін арқалап жүргені өз алдына, халық арасында «ел анасы» атанып кеткен Сәуле Мешітбайқызы 1946 жылы 20 қыркүйекте Жамбыл облысы Көктерек ауданы Бірлік ауылында дүниеге келді. 1963 жылы Шу ауданына қарасты Новотройцк селосында Мұхтар Ауезов атындағы орта мектепті бітірген ол, аталмыш мектепте аға пионер вожатый болды. Ол уақытта заң бойынша пионер вожатый болып жұмыс істеген кезең педагогикалық өтілге қосылатын. Соның ықпалымен, 1964 жылы жолдама арқылы Абай атындағы педагогикалық институтқа түсіп, оны 1969 жылы аяқтайды. Институттан педагог мамандығын алып шыққан ол, арнайы жолдамамен Жамбыл облысы, Мерке ауданына қарасты Тәтті совхозындағы М. Маметова атындағы орта мектепке ұстаз болып орналасты. Ал, 1973 жылы Шу ауданы, Абай совхозындағы Абай атындағы мектепте 1978 жылға дейін ұстаздық қызмет етеді. 1978-1999 жж. А. Жұбанов атындағы мектепте мұғалім, директордың тәрбие ісі жөніндегі орынбасары болды. 2000-2009 жылдары Қазақтелеком «АҚ» компаниясының іс-қағаздарына мемлекеттік тілді енгізу жөніндегі жетекші маманнан бас менеджер, 2009 жылдан қазіргі уақытқа дейін «Халықаралық «Қазақстан-ZAMAN» газетінде бас директордың бірінші орынбасары қызметінде жұмыс істеді. Жалпы еңбек өтілі 56 жыл. 4 баласы, 8 немересі, 1 шөбересі бар.
Білімі[өңдеу | қайнарын өңдеу]
1963 жылы Шу ауданы, Новотройцк селосында Мұхтар Әуезов атындағы орта мектепті бітірді. Сол мектепте аға пионер вожатый болды. Заң бойынша пионер вожатый болып жұмыс істеген кезең педагогикалық стажға қосылатын. Содан жолдамамен Абай атындағы педагогикалық институт, КАЗПИ-ге 1964 ж. түсіп, оны 1969 жылы аяқтады.
Еңбек өтілі[өңдеу | қайнарын өңдеу]
Арнайы жолдамамен Жамбыл облысының Мерке ауданындағы Тәтті совхозында М. Маметова атындағы орта мектепке 1969 жылы ұстаз болып орналасты. 1973 жылы Шу ауданындағы, Абай атындағы совхозының Абай атындағы мектепте 1978 жылға дейін ұстаз болып, 1978 -1999 жж. Алматы қ. А. Жұбанов атындағы мектепте ұстаз, директордың тәрбие ісі жөніндегі орынбасары болды. 2000-2009 жылдары «Қазақтелеком» АҚ компаниясының іс-қағаздарына мемлекеттік тілді енгізу жөніндегі жетекші маманнан бас менеджер, 2009 жылдан қазіргі уақытқа дейін «Халықаралық «Қазақстан-ZAMAN» газетінде бас директордың бірінші орынбасары қызметінде жұмыс істеді. Жалпы еңбек өтілі 56 жыл. 2017 жылдан қазіргі таңда «QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры[2], «ЕлАна» қоғамдық қорының президенті, «ЕлАна» қоғамдық-танымдық, әлеуметтік-ақпараттық сайтының Бас редакторы[3], Қазақстан Республикасы Журналистер Одағының мүшесі. Сәуле Мешітбаева ҚР бірқатар Министрліктердің Мақтау грамоталарымен марапатталған, 1988 ж. «ҚазССР оқу ісінің үздігі», 2013 жылы «Нұр Отан» ХДП ұйымдастырған журналистердің «Нұрсұңқар» байқауында номинант болса, «Ақ жол» партиясының ұйымдастырған байқауында «Ең үздік журналист» атағына ие болды.
Халықаралық «Қазақстан-ZAMAN» газетінде (қазір «Қазақстан Дәуірі») жұмыс істеген соңғы он жылда С. Мешітбайқызы өзін тың қырларынан көрсетті. Үлкен тақырыптарды көтеріп, соларды жеріне жеткізіп жазды. Жасына қарамастан журналистикада сүбелі-сүбелі тақырыптарға батыл түрде барып, ол мақалаларға үнемі он мыңдаған оқырмандардың үн қосуы С. Мешітбаеваның талантын тағы бір биіктерден көрсетті. Журналист ретінде, сондай-ақ, Елбасымыздың халыққа жолдауларын, тапсырмаларын, саясатын насихаттау мақсатында С.Мешітбаева бүкіл республиканы, жүздеген аудандар мен шалғай ауылдарды ерінбей аралады. Ауыл шаруашылығы министрлігімен, «Нұр Отан» ХДП-мен бірлескен бірнеше экспедициялар ұйымдастыруы, көтерген мәселелерінің оң шешім тауып отыруы ол кісінің қайраткерлігін, күрескерлігін дәлелдейді. Сәуле Мешітбайқызы тек мақалалары арқылы ғана емес, халықтың мұң-мұқтажына, проблемаларына тікелей араласып, талайлардың алғысына бөленген жан. Сондай-ақ бабаларын ұлықтау арқылы көптеген игі істер атқарды. Сәуле Мешітбаева Министрліктің Мақтау грамоталарымен, 2013 жылы «Нұр Отан» ХДП ұйымдастырған журналистердің «Нұрсұңқар» байқауында номинант болса, сол жылы Ақжол партиясының ұйымдастырған байқауында ең үздік журналист атағымен қоса ақшалай сыйлыққа ие болды. Осы еңбектерінің нәтижесінде С. Мешітбаева «Қазақстанның еңбек сіңірген қайраткері»[1] марапатына да ие болды.
Қызмет жолы[өңдеу | қайнарын өңдеу]
Сәуле Мешітбайқызы Мешітбаева – қазақстандық патриотизмнің қалыптасуы мен мәдениетінің дамуына, жетім балалар, тұрмыс деңгейі төмен және көп балалы отбасылар, көші-қон мәселелері, мәдени, тарихи ескерткіштердің сақталуы, мемлекеттік тілдің дамуы сияқты көптеген мәселелердің шешілуіне зор үлес қосып жүрген қоғам қайраткері, бірегей, жан- жақты тұлға.
Сәуле Мешітбайқызы республикамыздың әр түкпірінде, ұжымда, қоғамдық-саяси өмірінде маңызды тұлғалар, зиялы қауым мен барлық әлеуметтік топтар арасында зор құрметке ие. Қандай қызметті іс болсын оған жан тәнімен, жүрегімен беріледі. С. Мешітбаева өзінің туған ауылында мұғалім болғанда да, Алматы қаласында А. Жұбанов атындағы саз мектебінде қызмет еткен жылдары, «Қазақтелеком» АҚ компаниясында мемлекеттік тіліміздің қолданылу аясын кеңейтудегі тынымсыз еңбек еткенде де адамдардың зор құрметіне бөленді. Ол кісі сондай-ақ ізденімпаздығымен, жаңашылдығымен, идеяларының көптігімен ерекшеленетін және ойға алған, жоспарлаған іс жобаларын шеберлікпен көпшіліктің қолдауы арқылы жүзеге асыратын еңбекқор жан. С. Мешітбаева отыз жылдан аса ұстаздық еткенде балалардың нәзік жүректеріне жол таба білетін өз ісінің нағыз хас шебері болды. Ана-ұстаз ретінде үлкен жүректің нұрымен балалардың болашақ өз жолдарын тауып, кейін мемлекетіміздің зор қайраткерлері, үлкен өнер иелері болуларына игі ықпал етті. Ал «Қазақтелеком» компаниясы қызметкерлерінің мемлекеттік тілге деген құштарлығын арттыру жөніндегі жоба-байқаулары бүкіл республикаға үлгі өнеге болып, ол зор халықтық сипат алды. С.Мешітбаева Қазақстан Республикасы Үкіметінің жанындағы Мемлекеттік терминология комиссиясының жұмысына зор үлес қосты. С.Мешітбаева «Қазақтелеком» АҚ-да өз ізін қалдырды. Бірнеше әдістемелік құралдар мен сөздіктердің авторларының бірі. Телекомуникация саласына 1000-дай термин әкелді. Сәуле Мешітбайқызының «Қазақтелеком» АҚ компаниясындағы 10 жыл қызметі барысында осы саладағы мемлекеттік тілдің аясын кеңейтуде өзіндік қолтаңбасы қалды.
Халықаралық «Қазақстан-ZAMAN» газетінде (қазір «Қазақстан дәуірі») жұмыс істеген соңғы он жылда С. Мешітбайқызы өзін тың қырларынан көрсетті. Үлкен тақырыптарды көтеріп, соларды жеріне жеткізіп жазды. Жасына қарамастан журналистикада сүбелі-сүбелі тақырыптарға батыл түрде барып, ол мақалаларға үнемі он мыңдаған оқырмандардың үн қосуы С. Мешітбайқызының талантын тағы бір биіктерден көрсетті. Журналист ретінде, сондай-ақ, Елбасымыздың халыққа жолдауларын, тапсырмаларын, саясатын насихаттау мақсатында С.Мешітбайқызы бүкіл республиканы, жүздеген аудандар мен шалғай ауылдарды ерінбей аралады. Ауылшаруашылығы министрлігімен, «Нұр Отан» ХДП-мен бірлескен бірнеше экспедициялар ұйымдастыруы, көтерген мәселелерінің оң шешім тауып отыруы ол кісінің қайраткерлігін, күрескерлігін дәлелдейді. Сәуле Мешітбайқызы ҚР бірқатар Министрліктердің Мақтау грамоталарымен марапатталған. 1988 ж. «ҚазССР оқу ісінің үздігі», 2013 жылы «Нұр Отан» ХДП ұйымдастырған журналистердің «Нұрсұңқар» байқауында номинант болса, сол жылы Ақжол партиясының ұйымдастырған байқауында «Ең үздік журналист» атағымен қоса ақшалай сыйлыққа ие болды.
Осы еңбектерінің нәтижесінде С. Мешітбаева «Қазақстанның еңбек сіңірген қайраткері» марапатына да ие болды.
Алған марапаттары[өңдеу | қайнарын өңдеу]
- 1988 ж. «ҚазССР-інің білім саласының үздігі».,
- 2010 жылы Жамбыл облысы, Шу ауданының 80 жылдығы, Шу қаласының 50 жылдығы мерейтойы медалімен марапатталды.
- 2012 ж. ҚР Президенті Н.Ә.Назарбаевтың «Алғыс хаты»,
- 2013 жылы «Нұр Отан» партиясы ұйымдастырған журналистердің «Нұрсұңқар» байқауында номинант болса,
- 2013 жылы «Ақ жол» партиясының ұйымдастырған байқауында ең үздік журналист атағымен қоса ақшалай сыйлыққа ие болды.
- 2014 жылы «ҚР Еңбек сіңірген қайраткері» атағын иеленді. Сондай-ақ, министрліктің Мақтау грамоталарымен марапатталып,
- 2015 ж. «Қазақстан халқы Ассамблеясының 20 жылдығы» медалі,
- 2015 ж. «Ауылшаруашылық саласының үздігі» медалі,
- 2015 ж. Моңғол Халық партиясының 90 жылдығына орай «Құрмет медалімен» марапатталды.
- 2017 ж. Білім және ғылым министрлігінің «Еңбек ардагері» атағын алып, «Еңбек ардагері» медалінің иегері болды.
- 2017 ж. Маңғыстау облысы, Мұнайлы ауданының 10 жылдық мерейтойлық төсбелгісі.,
- 2018 ж. Солтүстік Қазақстан облысы, «Мағжан Жұмабаевтың 125 жылдығы» мерейтойлық төсбелгісімен марапатталды.
- 2018 ж. Бауыржан Момышұлының «Батыр шапағаты» медалі
- 2018 ж. Жамбыл облысы, "Облысқа сіңірген еңбегі үшін" медалімен марапатталды
- 2018 ж. Жамбыл облысы, "Байзақ ауданының 80 жылдығы" төсбелгісімен марапатталды
- 2019 ж. Мойынқұм ауданының құрметті азаматы.
- 2019 ж. Жамбыл облысына еңбек сіңірген төсбелгісі.
- 2019 ж. «Жаңаарқаға 90 жыл» мерейтойлық медалімен марапатталды
- 2019 ж. ҚР Президенті Қ. Тоқаевтың «Алғыс хаты»,
Дереккөздер[өңдеу | қайнарын өңдеу]
- ↑ a b http://strelbacop.kz/index.php?option=com_content&view=article&id=857:ekspeditsiyaly-topty-ma-satymen-tanystyrdy&catid=57&lang=kz&Itemid=500(қолжетпейтін сілтеме)
- ↑ [1]
- ↑ https://elana.kz/shy%d2%93armashyly%d2%9b-top/ Мұрағатталған 5 желтоқсанның 2020 жылы.