Табын құрылымы

Табын құрылымы - табындағы әр түрлі жыныстық-жастық мал топтарының жыл басындағы барлық мал басына шаққандағы пайыздық үлесі. Табын құрылымы табын бойынша өндіретін өнім мөлшеріне тікелей әсер етеді. Табындағы малды жастық-жыныстық топқа өнімдік бағыты мен шаруашылыққа пайдалану ретіне қарай бөледі. Мұңдай топтың саны түліктің түріне байланысты, оның ішінде бастысы - табынды өз төлі есебінен көбейтуге әсер ететін аналық малдың үлестік салмағы болып табылады. Сонымен қатар табын құрылымында тұқымдық аталық мал басының, өсіп-жетіліп келе жатқан төлдің, орта буын малдың үлестік салмағы көрсетіледі.