Талдықорған облыстық филармониясы

Талдықорған филармониясы - бұрынғы Талдықорған облыс тықфилармониясы деген атпен 1968 ж. құрылды.

Алғашқы ұйымдастырушыларының бірі әрі директоры К.К.Воллет болды. Филармонияда "Эдельвейс", "Интер", "Сарыжазық" (кейін "Рауан") топтарымен қатар жастардың эстрадалық "Арай" ансамблі (1977 жылдан) болып, олардың құрамында әнші Дәнеш Рақышев, Республикалық орындаушылар байқауының лауреаты Б.Асқарбеков т.б. қызмет етті. Филармонияның көркемдік жағын А.Бағдәулетов (1968-70), Т.А.Алшанбеков (1970-87) және Ғ.Сүлейменов (1987 жылдан) басқарды. 1997 ж. Алматы, Талдықорған облыстарының қосылуына байланысты Алматы облыстық филармониясы құрамына біріктірілді.