Тамара Босымбекқызы Дүйсенова(1965 ж. туған, Сарыағаш ауданы) – инженер-экономист. Ташкент халық шаруашылығы институтын бітірген (1987). Экономика ғылымдарының кандидаты. Еңбек жолын Сарыағаш ауданында мектеп мұғалімі болып бастаған. 1988 – 1992 ж. Өзбекстан Мемлекеттік жоспарлау комитетінің есептеу орталығының экономика ғылыми-зерттеу институтында ғылыми қызметкер, 1992 – 1993 ж. Сарыағаш аудандық әкімшілігінде аға экономист, 1994 – 1999 ж. әкімнің кеңесшісі, орынбасары, бірінші орынбасары, 1999 – 2002 ж. облыс әкімінің орынбасары қызметтерін атқарды. 2002 жылдың қыркүйек айынан ҚР Еңбек және халықты әлеуметтік қорғау министрлігінің вице-министрі.2008 жылдың қаңтарынан бері - ҚР Еңбек және әлеуметтік қорғау министрлігінің жауапты хатшысы. «Құрмет» (2010) орденімен; «Қазақстан Республикасінің тәуелсіздігіне 10 жыл» (2001), «Қазақстан Конституцияның
10 жыл» (2005) медальдарымен марапатталған. Әскери атағы - АҚ медбикесі.
Саяси қайраткер ретіндегі идеалы - М. Тэтчер, Н.Ә. Назарбаев. Қазақстанның болашағы туралы болжамы - «Бейбітшілік пен келісім, тұрақтылық орнаған ел». Хоббиі - классикалық музыка, кітап оқу. Тұрмыс құрмаған.[1][2]
