Танаш Қойшыбайұлы

Танаш Қойшыбайұлы
Лауазымы
Ту Қазақстан КП Семей облыстық комитетінің бірінші хатшысы Ту
мамыр 1953 — сәуір 1955
Ізашары	Григорий Мельник
Ізбасары	Семен Новиков
Ту Павлодар облыстық атқару комитетінің төрағасы Ту
1942 — 1944
Ізашары	Фазыл Қобыланов
Ізбасары	Кенжебай Макин
Өмірбаяны
Партиясы	БК(б)П / КОКП
Білімі	1. Орал ауыл шаруашылығы техникумы 2. К. А. Тимирязев атындағы Мәскеу ауыл шаруашылығы академиясындағы жоғары зоотехникалық курстар 3. БК(б)П ОК жанындағы Жоғары партия мектебі
Мамандығы	зоотехник
Дүниеге келуі	1914 (1914) Сарайшық ауылы, Гурьев уезі, Орал облысы, Ресей империясы
Қайтыс болуы	9 сәуір 1979 (1979-04-09) Қазақ КСР
Марапаттары

Танаш Қойшыбайұлы Қойшыбаев (1914, Сарайшық ауылы, Гурьев уезі, Орал облысы, Ресей империясы — 9 сәуір 1979) — кеңестік қазақ шаруашылық, мемлекеттік әрі партия қайраткері.

Өмірбаяны

1914 жылы Орал облысы, Гурьев уезі, Сарайшық ауылында туған. КОКП мүшесі.

1931 жылы Орал ауылшаруашылық техникумын бітірді.

1931—1932 жылдары зоотехник, аға зоотехник, кеңшар директорының орынбасары (Орал облысы) қызметін атқарды.

1932—1935 жылдары кеңшардың аға зоотехнигі (Батыс Қазақстан облысы) болып еңбек етті.

1935 жылы К. А. Тимирязев атындағы Мәскеу ауыл шаруашылығы академиясының жоғары зоотехникалық курстарының тыңдаушысы болды.

1935—1936 жылдары Батыс Қазақстан облыстық жер бөліміндегі асыл тұқымды мал шаруашылығы бөлімінің басшысы ретінде еңбектенді.

1936—1938 жылдары ЖШҚӘ қатарында әскери борышын өтеді.

1938—1939 жылдары Батыс Қазақстан облыстық жер бөлімінің бас зоотехнигі лауазымында жұмыс істеді.

1939—1940 жылдары Батыс Қазақстан кеңшарлар тресі директорының орынбасары қызметін атқарды.

1940—1941 жылдары Қазақстан К(б)П Батыс Қазақстан облыстық комитетіндегі ауыл шаруашылығы бөлімі меңгерушісінің орынбасары болып еңбек етті.

1941—1942 жылдары Қазақстан К(б)П ОК жанындағы Партиялық бақылау комиссиясының жауапты бақылаушысы болды.

1942—1944 жылдары Павлодар облыстық кеңесіндегі Атқару комитетінің төрағасы ретінде еңбектенді.

1944—1947 жылдары Мал шаруашылығы бөлімінің меңгерушісі, Қазақстан К(б)П Талдықорған облыстық комитеті хатшысының орынбасары лауазымында жұмыс істеді.

1947—1950 жылдар аралығында БК(б)П ОК жанындағы Жоғары партия мектебінің тыңдаушысы болды.

1950—1952 жылдары БК(б)П ОК нұсқаушысы, БК(б)П ОК сектор меңгерушісінің орынбасары қызметін атқарды.

1952 жылдан бастап — 1953 жылдың мамыры аралығында Қазақстан КП Семей облыстық комитетінің 2-хатшысы болып еңбек етті.

1953 жылдың мамырынан — 1955 жылдың сәуіріне дейін Қазақстан КП Семей облыстық комитетінің 1-хатшысы болды.

1955 жылы Қазақстан КП ОК жауапты ұйымдастырушысы ретінде еңбектенді.

1955—1956 жылдары Қазақ КСР Ауыл шаруашылығы министрінің орынбасары лауазымында жұмыс істеді.

1956—1958 жылдары Қазақстан КП ОК Ауыл шаруашылығы бөлімі меңгерушісінің орынбасары болды.

1958—1963 жылдары Қазақ КСР МК кеңестік-мемлекеттік бақылау комиссиясының ауыл шаруашылығы бөлімі меңгерушісі қызметін атқарды.

1963—1970 жылдары Қазақ КСР Халық шаруашылығы жетістіктері көрмесінің директоры болып еңбек етті.

Қазақ КСР Жоғарғы Кеңесінің 4-шақырылым депутаты болып сайланды.

1970 жылы зейнетке шықты.

1979 жылы қайтыс болды.

Сілтемелер

• Танаш Қойшыбайұлы. 1898–1991 жж. Коммунистік партия және Кеңес Одағы тарихының анықтамалығы. (орыс.)