Танкіге қарсы қор

Танкіге қарсы қор — командирдің тікелей басшылығында болатын, сондай-ақ ұрыстық қимылдар кезінде маңызды бағыттарда танкіге қарсы корғанысты күшейтуге арналған танкіге карсы артиллерия және басқа танкіге қарсы құралдардың бәлімдері (бәлімшелері).

Бәлімдер мен құрамаларда және бірлестіктерде құрылады, олардың міндеттеріне мыналар жатады: қарсыластың қорғаныс терендігіне өткен танкілерін жою, басты бағытта бірінші эшелондағы бәлімдердің (құрамалардың, бірлестіктердің) танкіге қарсы қорғанысын күшейту, киылыстарды, қапталдарды және қарсы шабуыл (шешуші соққы) үшін әскерлерді жаяу шептерде тасалау, сонымен қатар шабуылда — қарсылас танкілерінің шабуылын (шешуші соққысын) тойтару, топтардың қапталдарын тасалау, екінші эшелонның үрыска кіруін қамтамасыз ету, басып алынған шептерді бекіту.

Танкіге қарсы қордың құрамы әскерлердің ұрыстағы міндеттеріне, қарсыластың танкідік топтастығы құрамына, жергілікті жер жағдайын және қолда бар күш пен құралдарға байланысты болады. Қорғаныста Танкіге қарсы қор қарсыластың танкілері бұзып өту қаупі бар деген бағыттарда маневрге дайындалып, бәлімнің (құраманың, бірлестіктің) бірінші эшелонынан соң қарсыластың танкілері қимылының ең ықтимал бағытында орналастырылады.

Танкіге қарсы қор қорғаныстың дер кезіндегі маневрін қамтамасыз ету үшін карсыластың танк шабуылының ықтимал багыттарында ұйымдастырылған жағдайда жазылу шептері ауқымы мен жолдары көрсетіледі, егер мүмкін болған жағдайда олар жабдықталады. Шабуыл кезінде Танкіге қарсы қор қарсыластың танкілері бұзып өту қаупі бар бағытта маневрға дайындалуына, бөлімнің (құраманың, бірлестіктің) бірінші эшелоны артына кәшіріледі. Танкіге қарсы қор өзінің жауынгерлік міндеттерін, әдетте, жылжымалы бөгеу жасағымен, жалпы әскери қор арқылы, сондай-ақ бірінші немесе екінші эшелон әскерлерімен тығыз байланыста орындайды.