Тарихи геохимия

Тарихи геохимия - Жер планетасы тарихындағы тау жыныстарының химиялық құрамының өзгеруін зерттейтін геохимияның саласы.

Оның негізі 20 ғ-дың басында В.И. Вернадский мен А.Е. Ферсманның еңбектерінде баяндалды, ал 20-ғасырдың 2-жартысында оның қарқынды дамуына ядролық физиканың дамуы мен көптеген элементтердің изотоптарының ашылуы негіз болды. Тарихи геохимияның зерттейтін мәселелеріне:

1. Жер қыртысындағы элементтердің геологиялық кезеңдерде абсолют және салыстырмалы мөлшерлері өзгеруінің заңдылықтары мен себептерін (ғарыштық, радиотивтік, биогендік, т.б.) анықтау;
2. Жер энергиясы эволюциясының мәселелерін шешу;
3. геологиялық кезеңдердегі Жер бетіндегі климат өзгеруінің геохимиялық процестерге әсері;
4. адам тіршілігі мен еңбек әрекеттерінің геохимиялық процестерге тигізетін әсері жатады.