Тасбұлақ (Өзбекстан)

Тасбұлақ (өзб. Toshbuloq/Тoшбулоқ) — Өзбекстанның Наманған облысындағы қала типтес елді мекен (1989 жылдан), Наманған ауданының орталығы. Халық саны 13947 адам (2003).

Тасбұлақта «Тасбұлақ тола» акционерлік қоғамы, «Райхан тола» целлюлоза өңдеу кәсіпорны, «Тасбұлақ» тоқыма кәсіпорны орналасқан. Сондай-ақ егін базары, мәдениет үйі, мәдениет сарайы, орталық кітапхана, жастар орталығы бар. Екі жалпы білім беретін мектеп, балалар музыка мектебі, екі кәсіптік колледж, стадион, екі теннис корты, екі балалар спорт мектебі бар. Халыққа орталық аурухана, ересектер мен балалар емханасы, жедел медициналық жәрдем ғылыми орталығының филиалы, орталық дәріхана қызмет көрсетеді.