Тасшыгүл

Уикипедия — ашық энциклопедиясынан алынған мәлімет
Jump to navigation Jump to search
Тасшыгүл
Androsace laevigata
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
(unranked) Asterids
Сабы: Ericales
Тұқымдасы: Primulaceae
Тегі: Androsace
L.
түрлері

110 түрі белгілі

Проломник Козо-Полянского.JPG

Тасшыгүл (Androsace) – (лат. Androsace) – наурызшешек тұқымдасына жататын бір, екі және көп жылдық шөптесін өсімдіктер. Қазақстанда Алтай, Тарбағатай, Кетпен тауларында, Жетісу(Жоңғар), Іле, Күнгей Алатауларының тасты, қиыршық тасты беткейлерінде, субальпі белдеулерінде өсетін 11 түрі бар. Сабақтары тік не тарбиған, бос не тығыздалған жастық тәрізді шым түзеді. Жапырақтары тамыр түбіне жиналып өседі, жіңішке қына не эллипс тәрізді, жұмсақ түкті. Тостағанша жапырақшалары қоңырау не шар тәрізді, ал күлтелерінің пішіні табақша не түтікке ұқсайды.

Аталығының саны – бесеу, гүл күлтесінен қысқа. Көпшілік түріне гетеростилия (өсімдік гүліндегі аналық мойны мен аталық ұзындықтарының бірдей болмауы) тән. Мамыр – маусым айларында гүлдеп, жеміс салады. Жемісі – шар тәрізді қорапша, піскен кезде 5 – 8-ге бөлініп ашылады. Жиі кездесетін түрі – жіңішке Тасшыгүл (А. fіlіformes) негізінен ылғалы мол орманды белдеулерде өседі; ақшыл Тасшыгүл (А. carnea), түкті Т. (А. vіllosa), т.б. түрлерін әсемдік үшін өсіреді.[1]

Дереккөздер[өңдеу]

  1. Қазақ энциклопедиясы