Тау гүлі

"Тау гүлі" - әуесқой хор ұжымы. 1975 ж. қазіргі Қарағанды облысының Ұлытау аудандық Мәдениет үйі жанынан құрылды. Сол жылы оған халық хоры атағы берілді. Хор ұжымының құрамында Бүкілодақгық байқаудың лауреаттары К.Дәрібаев, К.Ермагамбетова, Ж.Наурызбаев, З.Шошақова, т.б., ал оның көркемдік жетекшісі М.Шоқтаев (1975 жылдан) болды. Репертуарынан қазақ, орыс композиторларының (С.Мұхамеджанов, Б.Жұманиязов,И.О. Дунаевский, Д.Ф. Тухманов, т.б.) шығармалары орын алды. Гастрольдік сапармен Алматы (1975), Қостанай (1977), Мәскеу (1981, КСРО ХШЖК-нде), Жезқазған (1978 - 80, 1982 - 83) қалаларында болып өнер көрсетті. Бүкілодақтық еңбекшілер көркемөнерпаздық шығармашылығы фестивалінің лауреаты (1977).