Театр мұражайлары

Театр мұражайлары театр тарихына байланысты күнды құжаттар мен материалдарды жинап сақтайтын ғылыми, мәдени-ағарту мекемесі. Бұлар көпшілік арасында ғылыми-ағарту жұмысын жүргізумен қатар аса бағалы колжазбаларды, мұрағат материалдарын жариялап, жұртшылыққа таныстырып отырады. Сондай-ақ, қөрнекті театр қайраткерлерінің шығармашылығына арналған тақырыптық кештер, лекциялар, әңгімелер, экспозициялар мен көрмелер бойынша экскурсиялар ұйымдастырады. Бахрушин атындағы театр мұражайы Ресейдегі ен ірі театр мұражайы болып табылады. Бұдан баска Театр мұражайлары Санкт-Петербургте, Киевте, Ереванда (Әдебиет және театр мұражайы), Бакуде, Таллиннде, Вильнюсте бар. Мәскеудің Коркем академиялық театры, Үлкен театр мен Кіші театр, Вахтангов атындағы театр, Санкт-Петербургтің Үлкен драма театры, Қазақ академиялық драма театры мен Орыс академиялық драма театрының жанында Театр мұражайлары жұмыс істейді. Сонымен қатар театр кайраткерлерінің өмір жолымен таныстыратын мемориалды мұражайлар (Мәскеудегі К.С. Станиславскийдің және В.И. Немирович-Данченконың мұражайы) мен мұражай-пәтерлер де (Мәскеу қаласындағы М.Н. Ермолованың, Л.В. Собиновтың, А.В. Нежданованың пәтерлері) бар. Шет елдердегі белгілі Театр мұражайларының қатарында "Гранд-Опера" мен "Комеди Франсез" театры (Праиж), "Кабуки" театры (Токио) және У.Шекспирдің мемориалды мұражайын (Стратфорд-он Эйвон) атауга болады.