Тегі бойынша өсіру

Тегі бойынша өсіру - таза тұқымды мал өсіру әдісінің күрделі түрі, жоғары сатысы. Мұнда жыл сайын жұп таңдау олардың қандай аталық із бен аналық ұяға жататынын, нәсілдік үйлесімділігін ескере отырып жүргізіледі. Белгілі бір тұқым малын тегі бойынша өсіру арқылы жоғары өнімді туыстас малдарды шағылыстырудың күшті-оңтайлы жағын ұтымды пайдаланып, ықтимал жүйесіз шағылысуына жол бермей, тұқымның нәсілдік қасиетін асылдандырып, өнімділігін ұрпактан-ұрпаққа арттырады. Тегі бойынша өсіру мал өсірушіден жоғары дәрежеде кәсіби білім мен мол тәжірибені талап етеді. Әдетте,тегі бойынша өсіру асыл тұқымды мал зауыттарында жүргізіледі.