Текелі полиметалл кен орны

Уикипедия — ашық энциклопедиясынан алынған мәлімет
Jump to navigation Jump to search

Текелі полиметалл кен орныАлматы облысы Ескелді ауданы Қарабұлақ кентінен оңтүстік-шығысқа қарай 27 км жерде орналасқан кен орны. Кенді инженер-геолог М.Юдичев пен М.Қадылбеков басқарған геология отряды ашқан (1933). Кен орны туралы алғашқы ғылыми деректер А.И. Шренк, П.П.Семенов-Тянь-Шанский, И.В.Мушкетов, А.В. Обручев еңбектерінде кездессе, бастапқы зерттеу жұмыстарын Е.А. Немов, Т.Н. Шадлун, Б.А. Вейц, кейіннен Х.И. Мурсалимов, Г.Б.Паталаха, Ш. Байкенов, Е.А. Әлпиев, т.б. жүргізген. 1935-1937 жылдары барланып, қоры есептелінген. 1942 жылдан пайдаланылып келеді.

Геологиялық құрылымы[өңдеу]

Құрылымы жағынан Текелі-Көксу кентасты алаңында орналасып, Оңтүстік Жоңғар антиклинорийінің солтүстік қанатымен ұштасып жатыр. Кенді алаң көлемінде орталығы рифейдің Текелі свитасын құрайтын әктасты-тақтатасты шөгінді тау жыныстары кең тараған.

Жатыс сипаты, минералдары[өңдеу]

Кен денесі қалыңдығы кей жерінде ондаған м-ге жететін кентас иірімдері ендік бағытта созылып, солтүстікке қарай 60 – 80° бұрышпен еңістенген шоғыр. Кен шоғыры солтүстік, орта және оңтүстік кентасты денелерге бөлінеді. Кентастың басты минералдары: пирит, сфалерит, галенит. Негізгі металдары: мыс пен мырыш, қорғасын, олардан басқа күміс, алтын, висмут, кадмий, ванадий, скандий, т.б. платина тобындағы металдар кездеседі. Кентасты шахта әдісімен өндіріп, байыту фабрикасына жіберіліп отырды. Кеннің қоры 15865 мың т, оның ішінде қорғасын – 387,7 мың т, мырыш – 723,4 мың т, күміс – 320,8 мың т, кадмий – 1745 т, сүрме – 2856 т.[1]

Дереккөздер[өңдеу]