Теллуридтер

Уикипедия — ашық энциклопедиясынан алынған мәлімет
Jump to navigation Jump to search

Теллуридтертеллурсутектің тұздары саналатын, теллур элементінің металдармен қосылыстары ретіндегі минералдар класы. Оның құрамына 30-дан астам минерал кіреді. Мұнда теллур көптеген элементтермен (Au, Ag, Cu, Hg, Nі, Fe, Pb, Bі, As, Sb, S, O) қосылыстар түзеді. Теллуридтерге координациялық, оқшау, қабатты құрылымдар тән және коваленттік, металдық байланыстармен сипатталған. Жоғарғы (көпшілігі), ортаңғы, төменгі сингонияларда кристалданып, сульфидтер құ-рамында ұсақ түйірлі агрегаттар түрінде кездеседі. Металл сияқты жылтыр, қаттылығы Мосс шкаласы бойынша 1,5 – 3,5, тығыздығы 6,0 – 9,4 г/см3. Гидротермалдық жолмен түзіліп, кейде магмалық жолмен жаралған сульфидті мыс-никель кендерінде, қорымдарда, сульфидті кендердің тотығу белдемдерінде де кездеседі. Теллуридтердің мол шоғырланған жерлерінде олардан Au, Ag, Bі, Te алынады. Теллуридтер Кенді Алтайдың полиметалл, Солтүстік Қазақстанның алтын кендерінде кездеседі. [1]

Сілтемелер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том