Тел өскен ұл

Тел өскен ұл
Возвращение сына
Жанры	көркем фильм
Режиссёрі	Шәріп Бейсембаев
Сценарийдің авторы	Валентин Черных, Сайын Мұратбеков
Басты рөлдерде	Лидия Смирнова, Бикен Римова
Операторы	Марат Дуғанов
Композиторы	Анатолий Бычков
Кинокомпания	Қазақфильм
Мемлекет	КСРО
Тілі	орыс
Шыққан жылы	1977

«Тел өскен ұл» — толық метражды көркем фильм. 1977 ж. Қазақфильм студиясы шығарған.

Сюжеті

Фильм екінші дүниежүзілік соғыс кезінде анасынан адасып, қазақ отбасынан пана тапқан Сергейдің оқиғасын баяндайды. Жайбарақат өмір кешіп, 37 жыл бойы қазақ жерінде өмір сүрген ол туған анасы Евдокия өзін іздеп келеді деп ойламаған еді. Ал онымен бірге жыраққа кету — қазақы ортаға әбден сіңісіп кеткен жігіт ағасының жоспарында, тіпті, жоқ болатын. Алайда Сергейді ұлындай бағып-қағып өсірген Рабиға апа оған туған жеріне қайтып, өзін тоғыз ай құрсағында көтерген анасының жанында болуды тапсырады. Жанына інісі Сапарды ертіп алған Сергей туған өлкесіне барғанда түрлі кедергілерге кезігеді.

Рөлдерде

• Евдокия — Лидия Смирнова
• Рабиға — Бикен Римова
• Сергей — Виталий Гришко
• Степаныч — Константин Воинов
• Иван Петрович — Юрий Горобец
• Сапар — Сапарғали Жәкішев
• Тоня — Евдокия Германова
• Вероника — Светлана Меньшикова
• Ефросинья — Олеся Иванова
• Көкеш — Әнуар Боранбаев
• Сәлима — Меруерт Өтекешева
• Есберген — Торша Жабаев
• Айдас — Өмірзақ Асылбеков