Темекішөп

Темекішөп
	; шығыс темекішөбі
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Asterales;
Тұқымдасы:	Asteraceae;
Кіші тұқымдасы:	Asteroideae;
Тайпасы:	Senecioneae;
Тегі:	Doronicum; L.
түрлері
	38 түрі белгілі
Синонимдері
	Aronicum Neck. ex Rchb.; Aronicum Neck.; Fullartonia DC.; Arnica Boehm. 1760, illegitimate homonym, not L. 1753; Grammarthron Cass.;

Темекішөп немесе Дороникум (лат. Doronicum) – астралылар тұқымдасына жататын көп жылдық шөптесін өсімдіктердің тегі.

Таралуы

Қазақстанда Алтай,Тарбағатай, Іле, Кетпен тауының альпі, субальпі шалғындарында, тау мұздықтарына жақын жерлерінде және шырша ормандарының арасында өсетін үш түрі бар:

Алтай темекішөбі - Doronicum altaicum (Pall.),
Тасжапырақты темекішөп және
Түркістан темекішөбі - Doronicum turkestanicum (Cavill.) бар.

Сипаттамасы

Өсімдіктердің биіктігі 15 және 18 см аралығында. Тамыры көлбеу өседі. Сабағы тік, түбінен бастап өсетін ,қандауыр ,таспа тәрізді жапырақтары сабақты орап жатады. Сабаққа кезектесіп орналасады. Гүлі қос жынысты, түтік тәрізді сары түсті. Олар себет гүлшоғырына топталған. Себеті ірі, дара болады. Маусым-шілде айларында гүлдеп, тамызда жеміс салады. Тұқымдары ұзынша 10 қырлы, қара-қоңыр түсті, айдары бар.^[1]