Темірбек ауылдық округі

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Темірбек ауылдық округі
Облысы

Жамбыл облысы

Ауданы

Байзақ ауданы

Округ орталығы

Тегістік

Енеді

3 ауыл

Тұрғыны (2009)

2113

Уақыт белдеуі

UTC+6:00

Автомобиль коды

08

Темірбек ауылдық округіЖамбыл облысы Байзақ ауданындағы әкімшілік бірлік.

Әкімшілік құрамы[өңдеу | қайнарын өңдеу]

Құрамына Тегістік, Сарыбарақ, Шахан ауылдары кіреді. Орталығы – Тегістік ауылы.[1] Облыс әкімінің 18.01.1994 жылғы №8 қаулысымен жаңадан Темірбек ауылдық округі болып құрылған.

Халқы[өңдеу | қайнарын өңдеу]

Тұрғыны 2113 адам (2009).[2]

Ауыл маңы[өңдеу | қайнарын өңдеу]

Темірбек деген кісінің (Байзақ датқаның ұрпағы) ұйытқы болуымен осы ауылдың маңынан ағып жатқан өзенге бөгет салып, ауылға каналдар тартып, су апарады. Халықты отырықшылыққа үйретіп, егіншілікке бастамашы болған Темірбектің құрметіне аталмыш бөгетті де осылай атаған.

Сондай-ақ Ақтоған және Қарабөгет деп аталатын бөгеттер бар. "Қарабөгет" - жергілікті халық ауыл маңынан ағып жатқан өзенге қара топырақтан бөгет тұрғызып егіс-алқаптарын сурау мақсатында пайдаланған. Бөгетті қара топырақтан салғандықтан халық оны "Қарабөгет" деп атаған.

"Ақмола" - Талас өзенінің бойында мола (ақ саз балшыққа мал сүті мен ешкінің жүнін қосып иленген).

"Тегістік" - жері отырықшылыққа лайықты, суармалы, ашық алаңқай, әрі тегістеу жер болғандықтан аталған жер.

"Көделі" - жайылым аты. Көделі жайылымның солай аталуының себебі, онда басқа жерлерде кездеспейтін көде деген шөп өседі. Қазақ халқының атам заманнан орнығып, өмір сүріп жатқан жеріне осы ата мекеніндегі өзен, көл, тау, қырат секілді жер бедеріне қарай ат қою дәстүрі кең етек алғаны тарихтан белгілі. Міне, сол кездегі тұрғындар ата дәстүрінен ауытқымай осы жердің атауын көде шөбімен байланыстырып Көделі деп атаған.[3]

Дереккөздер[өңдеу | қайнарын өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
  2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
  3. Жамбыл облысының топономикалық атауларының анықтамалығы