Теміртау балалар мен жасөспірімдер театры

Уикипедия — ашық энциклопедиясынан алынған мәлімет
Навигацияға өту Іздеуге өту
Теміртау балалар мен жасөспірімдер театры
сурет
Орналасуы  Қазақстан
Теміртау
Негізделгені 1989
Директоры В.В. Дроздецкий
Көркемдік жетекшісі Н.Л. Соболева

Теміртау балалар мен жасөспірімдер театры – жас көрерменге бағдарланған театр.

Тарихы

1989 жылы Теміртау қаласындағы Металлургтер сарайының ғимаратында ашылған. Алғашқы театр маусымын 1990 жылы 24 қарашада О. Петрушевскийдің "Чемодан чепухи" пъесасы бойынша қойылған спектакльмен ашты. Онан кейін "Ай да братец кролик!", "Без вины виноватые", "Птица-горлица", "Маленькие трагедии" спектакльдері сахналанды.

В. Авраменко, С. Иванцев, Н. Корастелева, Н. Каширина, А. Кашуро, Н. Мальцева, М. Маскалюк, Б. Немирович-Данченко, Н. Сытина, И. Саканцев, Н. Шор, А. Кругель секілді танымал әртістер театрдың бастауында тұрды.

Театрдың құрылуына үлкен үлес қосқандар: 1989-1993 жылдары – В.Н. Корастылев (театр директоры); 1995-2004 жылдары – С.П. Юн (театр директоры); 1989-1994 жылдары – Ю. Синин (бас режиссер); 2002-2004 жылдары – Е.А. Соколова (бас режиссердің міндетін атқарушы); 2004-2009 жылдары – М.М. Долиненко (бас режиссер); бас суретшiлер: 1989-1991 жылдары – А.И. Осипенко, 1991-1993 жылдары - Л.А. Синицина, 1994-2019 жылдары – Л.П. Скокова.

Қойылымдары мен жетістіктері

Театр ашылғалы бері барлығы 120-дан астам спектальді сахнаға шығарды. Қазіргі репертуарында классикалық, шетелдік және қазақстандық драматургияның туындыларына арналған 24 қойылым бар. Жылына орта есеппен 220 спектакль қоятын театрға 33 мыңнан астам көрермен жиналады.

2001 жылы болған алғашқы республикалық комедия блиц-фестивалінде үшінші орын мен "сахна өнеріне берілгендігі мен батылдығы үшін" арнайы сыйлығына ие болды.

2003 жылы "Классика бүгін" атты V халықаралық фестивальде О. Керімов "Үздік жас актер" ретінде танылды. Үш жылдан соң тағы да сол фестивальде "Ең үздік әйел рөлі" номинациясы У. Рысбаеваға, "Екінші пландағы үздік ер адам рөлі" В. Дроздецкийге берілді. Театр мұнан кейін аталған фестивальдің бірнеше рет жүлдегері болды. Қарағанды қаласында өтетін "Театр балалар көзімен" аймақтық фестивалінде төрт мәрте Гран-при жүлдесін жеңіп алды.

2017 жылы – ЭКСПО – 2017 Астана қаласында театрландырылған шоуда қатысты.

Бүгінде театрдың актерлік құрамы негізінен отызға дейінгі жастардан тұрады. Сондай-ақ М. Москалюк, Н. Сытина, В. Хомутов, В. Левтеров, В. Шматенко, К. Снегирёв, Ф. Гермес, С. Федоренко, У. Рысбаева секілді аға буын әртістер де бар. Ұжымның жұмысы балаларға да, ересектерге де арналады. "Три поросенка", "Ку-ка-ре-ку", "Кошкин дом" "Влюбленный зайчик", "Жила-была Сыроежка", "Все мыши любят сыр", "Гусенок Дорофей", "Приключения Колобка", "Клочки по закоулочкам", "Петушок-трусишка", "Не хочу быть собакой", "Новые приключения Винни Пуха" муызкалық ертегілер балалардың көз қуанышы болып саналады. "Искушенные", "Очень простая история", "Тартюф»", "Спецы любви", "Беда от нежного сердца", "Ленинградский романс", "Дело в шляпе", "Доходное место»" т.б. спектальдер ересектерге арналған түрлі жанрдағы қойылымдарды паш етеді.[1]

Театр директоры – В.В. Дроздецкий (2004 жылдан).

Театр ғимараты

Театр ғимараты архитекторлық ескерткіш санатына жатады. 1956 жылы салынған, архитекторы А. Бардашевич. Классикалық қатаң стиль түпкі мақсатпен ұштастырылып, келісті салынған. Ғимараттың негізгі бөлігі бүйірден жалғастыра салынған 2 қосымша үйден тұрады. Бұлар қасбет алдында бағаналы қалқамен тұйықталады. Ол көше жақтағы баспалдақ пен басқа есік арасында ішкі ауланы құрайды. Үйдің сыртқы беті терразитті түсті сылақпен мәнерлеп салынған, терезе ойықтары жапсырыла сәнді детальдармен безендірілген. Ішін сәндеуге гипсты бедерлер, сәнді мүсіндермен сылақ өрнектері қолданылған. Әсемдігімен, келістілігімен көзтартады. Едендері түсті шынымен өрнектелген: жарық ғимаратқа қола, күміс, жезден жасалған қалпақты шамдар арқылы беріледі. Театрдың ішінде 450 орындық көрермендер залы, фойе, репетиция жүргізетін залы, киім, сылану бөлмелері, т.б. бар. Ғимарат мемлекет қорғауына алынған.[2]

Галерея

Дереккөздер

  1. Қазақстанның мәдени ошақтары. Культурные центры Казахстана: Фотоальбом. – Алматы:«АСА» Баспа үйі» ЖШС, 2012. – 288 б. (қазақ, орыс, тілдерінде) ISBN 978-601-80325-0-9
  2. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5

Театр сайты