Темір телпек

Уикипедия — ашық энциклопедиясынан алынған мәлімет
Jump to navigation Jump to search

Темір телпексульфидті кендердің құрамында пирит кристалдары өте мол ұшырасатын ең беткі тотыққан қабаты. [1]

Бұл өңірде пириттен басқа да минерал түрлері көптеп кездеседі. Олар – темірдің сулы және сусыз тотықтары (гетит, гидрогетит, гематит), кремнезм минералдары (кварц, халцедон, опал), мыстың және қорғасынның қайталамалы карбонаттары (малахит, церуссит т.б.), сульфаттар (англезит, ярозит, гипс т. б.), силикаттар (хризоколла т. б.).

Темір телпек қимасында сульфидті минералдар ыдырауы нәтижесінде дараланған алтын мен күміс түйіршіктері де ұшырасуы мүмкін. Темір телпектер қабатының қалыңдығы бірнеше метрден ондаған метрге шейін жетуі мүмкін, бұл қабат сульфидті кендерді, әсіресе мыс сульфидтерінің түп кендерін іздестірудің өте тиімді белгісі болып табылады.

Дереккөздер[өңдеу]

  1. Н. Сенатов, А. Абдулин. Геология терминдерінің сөздігі.– Алматы: Қазақстан, 1996, 368 бет. ISBN 5-615-01738-4