Мазмұнға өту

Теннистен Аустралия ашық чемпионаты

Уикипедия — ашық энциклопедиясынан алынған мәлімет
Теннистен Аустралия ашық біріншілігі
Ресми сайты
Негізі қаланды

1905

Қаласы

Мельбурн
 Аустралия

Аренасы

Мельбурн-Парк

Жабыны

Хард

Ерлер

Карлос Алькарас (жекелей)
Кристиан Харрисон
Нил Скупски (жұптық)

Әйелдер

Елена Рыбакина (жекелей)
Элисе Мертенс
Чжан Шуай (жұптық)

Микст

Оливия Гадецки
Джон Пирс

Жүлде қоры

A$111,500,000 (2026)

Үлкен дулыға турнирлері

Теннистен Аустралия ашық чемпионаты (ағылш. Australian Open Tennis Championships) — жыл сайын Аустралияның Мельбурн қаласындағы Мельбурн Парк алаңында Tennis Australia ұйымдастыратын теннистен турнир. Бұл жыл сайынғы Үлкен дулыға турнирлерінің қатарындағы алғашқы жарыс болып табылады және Ролан Гаррос, Уимблдон мен US Open турнирлерінің алдында өтеді.

Аустралиен Оупен әдетте қаңтар айының орта шенінде басталып, екі аптаға созылады, ал дәстүрлі түрде ерлер арасындағы финал айдың соңғы жексенбісінде өтеді. Турнир аясында ерлер мен әйелдердің жекелей сыны, ерлер, әйелдер және аралас жұптық сындар, жасөспірімдер чемпионаттары, арбадағы теннисішілер, ардагерлер және көрмелік ойындар ұйымдастырылады.

Бұрын шөп төсеніштерінде ойналса, 1988 жылы хард жабындыға ауыстырылды.

1905 жылы Аyстралазия чемпионаты ретінде алғаш рет өткізілген Australian Open Оңтүстік жартышардағы ең ірі спорттық іс-шаралардың біріне айналды.[1] «Бақытты дулыға» («the happy slam») деген лақап атқа ие болған[2] Australian Open — Үлкен дулыға турнирлерінің ішіндегі ең көп көрермен жинайтын жарыс, 2026 жылғы турнирге (іріктеу кезеңін қоса алғанда) 1 360 000-нан астам адам келді. Ол үш басты корт — Rod Laver Arena, John Cain Arena және қайта жаңғыртылған Margaret Court Arena алаңдарында жылжымалы шатырлардың көмегімен жаңбыр немесе тым ыстық ауа райы кезінде жабық жерде ойнау мүмкіндігін ұсынған тарихтағы тұңғыш Үлкен дулыға турнирі болды.

Аустралиен Оупен 1988 жылдан бері Мельбурн-Парк кешенінде өткізіліп келеді және Виктория штатының экономикасына елеулі үлес қосады; 2026 жылғы Australian Open штат экономикасына 722.3 миллион A$ кіріс әкелсе, соңғы онжылдықта турнир штатқа 3.9 миллиард A$ астам экономикалық пайда әкелген.[3] Турнирмен байланысты негізгі салаларға орналастыру (тұрғын үй), қонақүйлер, кафелер және сауда қызметтері кіреді.[4]

Тарихы

[өңдеу | дереккөзін өңдеу]

Аустралиен Оупен турнирін Tennis Australia (бұрынғы Lawn Tennis Association of Australia) басқарады және ол алғаш рет 1905 жылдың қараша айында Мельбурн қаласындағы Albert Cricket Ground алаңында өткізілді. Қазіргі уақытта Albert Reserve Tennis Centre деп аталатын бұл спорт нысаны бастапқыда шөп төсенішті корт болған.[5]

Турнир башында Аyстралазия чемпионаты деп аталды. 1927 жылы ол Аустралия чемпионаты болып өзгертілді. Ал 1969 жылы Аустралиен Оупен атауына ие болды.[6] 1905 жылдан бері бұл жарыс Аустралияның бес қаласында — Мельбурн (66 рет), Сидней (17 рет), Аделаида (15 рет), Брисбен (7 рет), Перт (3 рет), сондай-ақ Жаңа Зеландияның екі қаласында — Крайстчерч (1906) пен Гастингсте (1912) барлығы 110 рет ұйымдастырылды.[6]

Турнир 1905 жылы басталғанымен, Халықаралық газон теннисі федерациясы (ILTF) 1923 жылы өткен жиыннан кейін, тек 1924 жылы ғана оны басты чемпионат мәртебесіне ие болды деп таныды. Сол кезде турнир комитеті жарыс құрылымына іріктеу жүйесін енгізді.[7] 1916–1918 жылдар аралығында Бірінші дүниежүзілік соғысқа байланысты турнир ұйымдастырылмады.[8]

Екінші дүниежүзілік соғыс жылдарында турнир 1941 бен 1945 жылдар аралығында өткізілген жоқ.[9] 1972 жылы бұл жарысты аустралиялық қалалардың ішінде ең көп көрермен жинайтын Мельбурн қаласында жыл сайын өткізу туралы шешім қабылданды.[5] Турнир 1972 жылдан бастап 1988 жылы жаңа Флиндерс-Парк кешеніне көшкенге дейін Kooyong Lawn Tennis Club алаңында өтті.

Флиндерс-Парктегі жаңа нысандар Куйонг клубының сыйымдылығынан асып түскен турнирдің талаптарын қанағаттандыру мақсатында жоспарланған болатын. Флиндерс-Паркке көшу бірден сәтті болып шықты: 1988 жылы келушілер саны алдыңғы жылы Куйонгта тіркелген көрсеткішпен (140 000) салыстырғанда 90 пайызға артып, 266 436 адамды құрады.[10]

Аустралияның географиялық тұрғыдан шалғай орналасуына байланысты ХХ ғасырдың бас кезінде бұл турнирге шетелдік теннисшілер өте аз қатысты. 1920 жылдары Еуропадан Аустралияға кемемен сапар шегу шамамен 45 күнге созылатын. Аустралияға ұшақпен келген ең алғашқы теннисшілер — 1946 жылдың қарашасындағы АҚШ-тың Дэвис Кубогы ойыншылары болды.[11] Тіпті Аустралияның өзінде де көптеген ойыншылар еркін сапар шеге алмады. Турнир Перт қаласында өткізілген кезде, шығыс және батыс жағалаулар арасындағы шамамен 3 000 шақырым (1 900 миль) қашықтықты еңсеріп, Виктория немесе Жаңа Оңтүстік Уэльстен бірде-бір адам пойызбен келген жоқ. 1906 жылы Крайстчерч қаласында өткен жарыста небәрі 10 ойыншыдан тұрған шағын құрамнан бар болғаны екі аустралиялық қана қатысып, турнирде Жаңа Зеландия өкілі жеңіске жетті.[12]

Аyстралазия чемпионаты алғашқы жарыстары басқа аустралазиялық турнирлердің бәсекелестігінен зардап шекті. 1905 жылға дейін Аустралияның барлық штаттарында және Жаңа Зеландияда өз чемпионаттары болды. Сол жылдары ең үздік екі ойыншы — аустралиялық Норман Брукс және жаңазеландиялық Энтони Уайлдинг бұл турнирге дерлік қатысқан жоқ. Брукс бір рет қатысып, 1911 жылы жеңіске жетті, ал Уайлдинг жарысқа екі рет қатысып, екеуінде де жеңімпаз атанды (1906 және 1909 жылдары). Тіпті 1912 жылы Аyстралазия чемпионаты турнирі Жаңа Зеландияның Гастингс қаласында өткен кезде де, үш дүркін Уимблдон чемпионы Уайлдинг өз отанына қайтып келмеді. Бұл сол дәуірдегі барлық ойыншылар үшін жиі кездесетін мәселе болды. Брукс Еуропаға бар болғаны үш рет қана барып, соның бірінде Уимблдонның челлендж-раундына шықты, ал қалған екеуінде Уимблдон чемпионы атанды.

Соның салдарынан көптеген теннисшілер Аустралия (Аустралазия) әуесқой немесе ашық чемпионаттарында мүлде ойнамады. Тіпті сапар шегу жеңілдей түскен 1960–1970 жылдардың өзінде Мануэль Сантана, Ян Кодеш, Мануэль Орантес, Илие Настасе (ол 35 жасында тек бір рет қана келген) және Бьорн Борг сияқты жетекші ойыншылар бұл жарысқа сирек келді немесе мүлде қатысқан жоқ.

Ашық дәуір

[өңдеу | дереккөзін өңдеу]

1969 жылдан бастап, алғашқы Аустралиен Оупен Брисбендегі Milton Courts алаңында өткізілген кезде, турнир барлық ойыншыларға, соның ішінде дәстүрлі турда ойнауға рұқсат етілмеген кәсіпқойларға да ашық болды.[13] Дегенмен, 1969 және 1971 жылғы турнирлерді қоспағанда, қашықтықтың шалғайлығы, қолайсыз күндер (Рождество мен Жаңа жыл мерекелерінің қарсаңы) және аз жүлде қоры салдарынан үздік ойыншылардың көбі 1982 жылға дейін бұл чемпионатқа қатыспады. 1970 жылы Род Лейвер, Кен Роузуэлл, Андрес Химено, Панчо Гонсалес, Рой Эмерсон және Фред Столле жұмыс істейтін Джордж МакКколлдың Ұлттық теннис лигасы турнирге кепілдіктердің жеткіліксіз болуына байланысты өз ойыншыларының қатысуына тыйым салды. Бұл турнирде Артур Эш жеңімпаз атанды.[14]

1983 жылы турнирге Иван Лендл, Джон Макинрой және Матс Виландер қатысты. Виландер жекелей сында чемпион атанып,[15] көп ұзамай Куйонг стадионында өткен Швецияның Аустралиядан жеңіліс тапқан матчтарында Дэвис кубогының екі жекелей кездесуінде де жеңіске жетті.[16] 1983 жылғы Аустралиен Оупеннен кейін Халықаралық теннис федерациясы Аустралияның газон теннисі қауымдастығын турнир өткізетін орынды ауыстыруға шақырды, өйткені сол кезде Куйонг стадионы мұндай ауқымды іс-шараны қабылдауға сай келмейтін еді. 1988 жылы турнир алғаш рет Флиндерс-Паркте (кейін Мельбурн Парк деп өзгертілді) өткізілді.[17] Өткізу орнының өзгеруі корт жабындысының шөптен Rebound Ace деп аталатын қатты жабындыға ауысуына да түрткі болды.[18]

Матс Виландер турнирде шөпте де, қатты кортта да жеңіске жеткен жалғыз ойыншы болды. 2008 жылы, 20 жыл бойы қолданылғаннан кейін, Rebound Ace жабындысы Plexicushion Prestige деп аталатын жұмсақ, орташа жылдамдықтағы акрил жабындысымен алмастырылды.[19] Роджер Федерер мен Серена Уильямс — Аустралиен Оупенді Rebound Ace пен Plexicushion Prestige жабындыларының екеуінде де ұтып алған жалғыз ойыншылар. Жаңа жабындының басты артықшылықтары — жоғарғы қабатының жұқа болуына байланысты тұрақтылықтың жақсаруы және жылуды аз сіңіруі.[18] Бұл өзгеріс Аустралиен Оупен алдындағы барлық дайындық турнирлерінің де жабындыларының өзгеруімен қатар жүрді. Бұл өзгеріс жаңа жабындының АҚШ ашық чемпионатында қолданылатын DecoTurf жабындысына ұқсас болуына байланысты біраз дау тудырды.[20]

Мельбурн Парк стадионы дәуіріне дейін турнир күндері де, әсіресе алғашқы жылдары әр алаңның климатына немесе ерекше оқиғаларға байланысты өзгеріп отырды. Мысалы, 1919 жылғы турнир 1920 жылдың қаңтарында өтті (1920 жылғы турнир наурызда ойналды), ал 1923 жылы Брисбендегі турнир ауа райы тым ыстық және жаңбырлы болмаған кезде, тамыз айында ұйымдастырылды. 1977 жылғы бірінші турнир 1976 жылдың желтоқсаны мен 1977 жылдың қаңтары аралығында өткізілгеннен кейін, ұйымдастырушылар келесі турнирді бірнеше күнге ертерек жылжытуды жөн көрді, содан кейін екінші турнир ойналып (желтоқсанның 31-інде аяқталды), бірақ бұл үздік ойыншыларды тарта алмады.

1982–1985 жылдары бұл турнир желтоқсан айының ортасында өтті. Кейін келесі турнирді қаңтар айының ортасына (1987 жылдың қаңтары) ауыстыру туралы шешім қабылданды, бұл 1986 жылы бірде-бір турнирдің ұйымдастырылмағанын білдірді. 1987 жылдан 2026 жылға дейін Аустралиен Оупеннің өтетін күні өзгерген жоқ (COVID-19 пандемиясына байланысты үш аптаға кейінге шегерілген 2021 жылды қоспағанда). 2026 жылы бұл турнир қаңтар айының соңында өтті. Роджер Федерер мен Рафаэль Надаль сияқты кейбір үздік ойыншылар бұған дейін турнирдің Рождество және Жаңа жыл мерекелерінен кейін тым ерте басталатынын айтып, жарысты ақпан айына ауыстыру мүмкіндігін қарастыруды қалайтындарын білдірген болатын.[21] Алайда, мұндай өзгеріс турнирді Аустралияның жазғы мектеп демалысы кезеңінен тыс уақытқа ығыстырып, келушілер санына кері әсерін тигізуі мүмкін.

1996 жылға дейін Аустралиен Оупен қалған үш Үлкен дулыға турниріне қарағанда АТР рейтингі ұпайларын аз берді. АТР келтірген себеп — Аустралиен Оупен ұсынған жүлде қоры қалған үш басты турнирдікінен әлдеқайда аз болды.[22]

Мельбурн Паркты кеңейту

[өңдеу | дереккөзін өңдеу]

Жаңа Оңтүстік Уэльс пен шетелдік билік өкілдері 2008 жылы турнирді қабылдайтын жаңа орын болуды ұсынды, алайда бұл бастама жүзеге асқан жоқ.[23][24] Қалай болғанда да, дәл осы кезеңде Мельбурн Парк аумағында ойыншылар мен көрермендерге арналған жағдайды жақсартатын жаңарту жұмыстары басталды.[25] Сондай-ақ бұл аумақ жергілікті және шетелдік келушілердің өсіп келе жатқан санына қызмет көрсету үшін сусындардың, әсіресе кофе түрлерінің көбірек таңдауын ұсынуды мақсат етті.[26]

Атап айтқанда, Маргарет Корт аренасының үстіне жылжымалы шатыр орнатылды, бұл Аустралиен Оупенді өздерінің басты үш кортында жылжымалы шатырлары бар төрт Үлкен дулыға турнирінің алғашқысы етті.[27] Ойыншылар мен әкімшілікке арналған жағдайлар, сондай-ақ көрермендердің кіру нүктелері жақсартылып, турнир аумағы Мельбурн Парктен іргелес жатқан Биррарунг Марр аймағына дейін кеңейтілді.[28] 2021 жылдың соңында 5 000 орындық төртінші негізгі шоу-корт, Centrepiece банкет, салтанат және медиа ғимараты, сондай-ақ ойыншылар, әкімшілер мен көрермендерге арналған басқа да жаңартылған нысандар пайдалануға берілді, осылайша он жылдық қайта құру жұмыстары аяқталды.[29]

2018 жылдың желтоқсанында турнир ұйымдастырушылары Уимблдон мен АҚШ ашық чемпионатының үлгісін ұстанып, ерлер мен әйелдердің жекелей сынындағы шешуші сеттерде тай-брейк енгізілетінін мәлімдеді. Тиісінше 12-12 және 6-6 ойындарында кәдімгі тай-брейктерді бастайтын Уимблдон мен АҚШ ашық чемпионатынан айырмашылығы, Аустралиен Оупен 6 ойын тең түскен жағдайда бірінші болып 10 ұпай жинаған тай-брейкті қолданады.[30] 2020 жылы турнир ұйымдастырушылары ресми корт өндірушісін GreenSet компаниясына ауыстыру туралы шешім қабылдады, бірақ көгілдір түсті жұмсақ акрилді қатты корт жабындысы өзгеріссіз қалды.[31]

2021 жылы COVID-19 пандемиясына байланысты алаңдағы қызметкерлер санын азайту мақсатында барлық матчтар электронды сызық төрешілігін пайдаланды. Бұл Үлкен дулыға турнирі тарихында электронды сызық төрешілігін толығымен қолданған алғашқы жарыс болды; 2020 жылғы АҚШ ашық чемпионаты оны екі басты стадион кортынан тыс матчтарда ғана қолданған еді.[32][33]

Аустралиен Оупен 2022 жылы NFT топтамаларын шығарды.[34][35]

2024 жылдан бастап Аустралиен Оупен әдеттегіден бір күн бұрын, жексенбі күні басталды. Матчтардың келесі күннің таңында ерте аяқталу ықтималдығын азайту мақсатында Род Лейвер аренасы мен Маргарет Корт аренасындағы күндізгі сессияларға кемінде екі матч қойылды (бұрын үшеу болатын).

2025 жылғы Аустралиен Оупен пиклбол ойыны таныстырылған алғашқы турнир болды. 24-26 қаңтар аралығында Мельбурн Парктегі 3-ші кортта AO Pickleball Slam турнир өтті. Бұл шақыру турнирі Аустралияның үздік ойыншылары мен халықаралық қатысушылары арасында 100 000 аустралиялық доллар жүлде қорын сарапқа салды.[36]

Корттар

[өңдеу | дереккөзін өңдеу]
Мельбурн Парк пен Ярра өзенінің жағалауындағы спорт және ойын-сауық аймағы, 2010 жыл.

Australian Open турнирі 1988 жылы осы аумаққа көшірілген Мельбурн Парк алаңында өтеді, ол Melbourne Sports and Entertainment Precinct аумағында орналасқан. [37] Қазіргі уақытта корттардың үшеуі жаңбыр мен тым ыстық ауа райы кезінде де ойынды жалғастыруға мүмкіндік беретін жылжымалы шатырлармен жабдықталған. 2017 жылғы мәлімет бойынша, көрермендер сондай-ақ әрқайсысы 3 000 адамды сыйдыратын №2 және №3 шоу-корттарындағы ойындарды тамашалай алады. [37] Сонымен қатар сыйымдылығы 50-ден 2 500-ге дейін жететін уақытша трибуналары бар №4–17, 19 және 20 корттарындағы ойындарды да көре алады. [38]

Аумақты қайта жаңғыртуға бағытталған 271 миллион A$ көлеміндегі жоба аясында 2019 жылы 5 000 орындық жаңа стадионның құрылысы басталды. [39] Жаңа стадион — Kia Arena — 2021 жылдың 22 қарашасында Australian Open ресми өкілдері тарапынан көпшілікке таныстырылды. [40]

Ағымдағы корттар

[өңдеу | дереккөзін өңдеу]
Корт Ашылған жылы Сыйымдылығы Корт шатыры Дереккөз
Rod Laver Arena (ағыл.)қаз. 1988 14 820 Жылжымалы [41]
John Cain Arena (ағыл.)қаз. 2000 10 300 Жылжымалы [42]
Margaret Court Arena (ағыл.)қаз.
(Бұрынғы Show Court 1)		 1988 7 500 Жылжымалы [43]
Show Court Arena (ағыл.)қаз.
(Kia Arena)		 2021 5 000 Жоқ [44]
Show Court 2 (ағыл.)қаз.
(1573 Arena)		 1988 3 000 Жоқ [45]
Show Court 3 (ағыл.)қаз.
(ANZ Arena)		 1988 3 000 Жоқ [45]

Ұпайлар

[өңдеу | дереккөзін өңдеу]

Аустралия ашық чемпионатында ерлер (ATP) мен әйелдер (WHO) рейтингтік ұпайлары жылдар бойы өзгеріп отырды, бірақ қазіргі уақытта ойыншылар келесі ұпайларды алады:

Ұтыс 2 орын 1/2 1/4 1/8 1/16 1/32 1/64 Q Q3 Q2 Q1
Жеке Ер 2000 1200 720 360 180 90 45 10 25 16 3 0
Әйел 2000 1300 780 430 240 130 70 10 40 30 20 2
Жұп Ер 2000 1200 720 360 180 90 0 – – – – –
Әйел 2000 1300 780 430 240 130 10 – – – – –

Жүлде қоры

[өңдеу | дереккөзін өңдеу]

Ерлер мен әйелдер арасындағы жекелей сында берілетін жүлде қоры тең бөлінеді. 2026 жылғы турнирдің аустралия долларымен есептегендегі жалпы жүлде қоры 111.5 миллиоон құрайды[46]. Жүлде қорының бөлінуі төмендегідей:

Санат W F SF QF 4R 3R 2R 1R Q3 Q2 Q1
Жекелей A$4,150,000 A$2,150,000 A$1,250,000 A$750,000 A$480,000 A$327,750 A$225,000 A$150,000 A$83,500 A$57,000 A$40,500
Жұптық A$900,000 A$485,000 A$275,000 A$158,000 A$92,000 A$68,000 A$44,000 ж/е ж/е ж/е ж/е
Жұптық сындағы жүлде қоры бір командаға беріледі.

Жеңімпаздар

[өңдеу | дереккөзін өңдеу]

Қазіргі чемпиондар

[өңдеу | дереккөзін өңдеу]
2026 жылғы Australian Open

Соңғы финалдар

[өңдеу | дереккөзін өңдеу]
2026 жылғы турнир Чемпион Финалист Есеп
Ерлер, жекелей сындар Испания Карлос Алькарас Сербия Новак Джокович 2–6, 6–2, 6–3, 7–5
Әйелдер, жекелей сындар Қазақстан Елена Рыбакина Беларусь Арина Соболенко 6–4, 4–6, 6–4
Ерлер, жұптық сындар Америка Құрама Штаттары Кристиан Харрисон
Ұлыбритания Нил Скупски		 Аустралия Джейсон Кублер
Аустралия Марк Полманс		 7–6(7–4), 6–4
Әйелдер, жұптық сындар Бельгия Элизе Мертенс
Қытай Чжан Шуай		 Қазақстан Анна Данилина
Сербия Александра Крунич		 7–6(7–4), 6–4
Аралас жұптық сындар Аустралия Оливия Гадецки
Аустралия Джон Пирс		 Франция Кристина Младенович
Франция Мануэль Гинар		 4–6, 6–3, [10–8]

Рекордтар

[өңдеу | дереккөзін өңдеу]
Новак Джокович, ерлер арасындағы жекелей сындағы барлық уақыттағы рекордшы.
Маргарет Корт, әйелдер арасындағы жекелей сындағы барлық уақыттағы рекордшы.
  • 1968 жылы ашық болған басқа үш Үлкен дулыға турнирінен айырмашылығы, Аустралия турнирі кәсіпқойлар үшін 1969 жылы ашылды.[47]
Рекорд[48] Дәуір Ойыншы(лар) Саны Жылдар
1905 жылдан бергі ерлер
Ең көп жекелей сындағы титулдар Ашық дәуір Сербия Новак Джокович 10 2008, 2011–2013, 2015–2016, 2019–2021, 2023
Әуесқойлар дәуірі Аустралия Рой Эмерсон 6 1961, 1963–1967
Қатарынан ең көп жекелей сындағы титулдар Ашық дәуір Сербия Новак Джокович 3 2011–2013, 2019–2021
Әуесқойлар дәуірі Аустралия Рой Эмерсон 5 1963–1967
Ең көп жұптық сындағы титулдар Ашық дәуір Америка Құрама Штаттары Боб Брайан
Америка Құрама Штаттары Майк Брайан		 6 2006–2007, 2009–2011, 2013
Әуесқойлар дәуірі Аустралия Адриан Квист 10 1936–1940, 1946–1950
Қатарынан ең көп жұптық сындағы титулдар Ашық дәуір Америка Құрама Штаттары Боб Брайан
Америка Құрама Штаттары Майк Брайан		 3 2009–2011
Әуесқойлар дәуірі Аустралия Адриан Квист 10 1936–1940, 1946–1950[49]
Ең көп аралас жұптық сындағы титулдар Ашық дәуір Америка Құрама Штаттары Джим Пью
Үндістан Леандер Паес
Канада Даниэль Нестор		 3 1988–1990
2003, 2010, 2015
2007, 2011, 2014
Әуесқойлар дәуірі Аустралия Гарри Хопман
Аустралия Колин Лонг		 4 1930, 1936–1937, 1939
1940, 1946–1948
Ең көп чемпионаттар
(жекелей, жұптық, аралас жұптық)		 Ашық дәуір Сербия Новак Джокович 10 2008–2023 (10 ерлер арасындағы жекелей сында)
Әуесқойлар дәуірі Аустралия Адриан Квист 13 1936–1950 (3 жекелей, 10 ерлер жұптық, 0 аралас жұптық)
1922 жылдан бергі әйелдер
Ең көп жекелей сындағы титулдар Барлық уақыттағы Аустралия Маргарет Корт 11 1960–1966, 1969–1971, 1973
Ашық дәуір Америка Құрама Штаттары Серена Уильямс 7 2003, 2005, 2007, 2009, 2010, 2015, 2017
Әуесқойлар дәуірі Аустралия Маргарет Корт 7 1960–1966
Қатарынан ең көп жекелей сындағы титулдар Ашық дәуір Аустралия Маргарет Корт
Аустралия Ивонн Гулагонг-Коули
Германия Штеффи Граф
Югославия Моника Селеш
Швейцария Мартина Хингис		 3 1969–1971
1974–1976
1988–1990
1991–1993
1997–1999
Әуесқойлар дәуірі Аустралия Маргарет Корт 7 1960–1966
Ең көп жұптық сындағы титулдар Әуесқойлар дәуірі Аустралия Тельма Койн-Лонг 12 1936–1940, 1947–1949, 1951–1952, 1956, 1958
Ашық дәуір Америка Құрама Штаттары Мартина Навратилова 8 1980, 1982–1985, 1987–1989
Қатарынан ең көп жұптық сындағы титулдар Ашық дәуір Америка Құрама Штаттары Мартина Навратилова
Америка Құрама Штаттары Пэм Шрайвер		 7 1982–1985, 1987–1989
Әуесқойлар дәуірі Аустралия Тельма Койн-Лонг
Аустралия Нэнси Уинн-Болтон		 5 1936–1940
Ең көп аралас жұптық сындағы титулдар Ашық дәуір Чехия Барбора Крейчикова 3 2019–2021
Әуесқойлар дәуірі Аустралия Дафна Акхерст-Козенс
Аустралия Нелл Холл-Хопман
Аустралия Нэнси Уинн-Болтон
Аустралия Тельма Койн-Лонг		 4 1924–1925, 1928–1929
1930, 1936–1937, 1939
1940, 1946–1948
1951–1952, 1954–1955
Ең көп чемпионаттар
(жекелей, жұптық, аралас жұптық)		 Барлық уақыттағы Аустралия Маргарет Корт 23 1960–1973 (11 жекелей, 8 әйелдер жұптық, 4 аралас жұптық)
Ашық дәуір Америка Құрама Штаттары Мартина Навратилова 12 1980–2003 (3 жекелей, 8 әйелдер жұптық, 1 аралас жұптық)
Әуесқойлар дәуірі Аустралия Нэнси Уинн-Болтон 20 1936–1952 (6 жекелей, 10 әйелдер жұптық, 4 аралас жұптық)
Мүгедектер арбасындағылар: 2002 жылдан бастап жекелей сындар, 2004 жылдан бастап жұптық сындар, 2008 жылдан бастап квадтар
Ең көп жекелей сындағы титулдар Ерлер Жапония Синго Куниеда 11 2007–2011, 2013–2015, 2018, 2020, 2022
Әйелдер Нидерланд Эстер Вергер 9 2002–2004, 2006–2009, 2011–2012
Квадтар Аустралия Дилан Олкотт 7 2015–2021
Қатарынан ең көп жекелей сындағы титулдар Ерлер Жапония Синго Куниеда 5 2007–2011
Әйелдер Нидерланд Эстер Вергер
Нидерланд Диде де Грот		 4 2006–2009
2021–2024
Квадтар Аустралия Дилан Олкотт 7 2015–2021
Ең көп жұптық сындағы титулдар Ерлер Жапония Синго Куниеда 8 2007–2011, 2013–2015
Әйелдер Нидерланд Эстер Вергер
Нидерланд Аниек ван Кут		 7 2003–2004, 2006–2009, 2011–2012
2010, 2013, 2017, 2019, 2021–2023
Квадтар Америка Құрама Штаттары Дэвид Вагнер 9 2008–2010, 2013–2017, 2022
Қатарынан ең көп жұптық сындағы титулдар Ерлер Жапония Синго Куниеда 5 2007–2011
Әйелдер Нидерланд Эстер Вергер
Нидерланд Диде де Грот		 4 2006–2009
2021–2024
Квадтар Америка Құрама Штаттары Дэвид Вагнер 5 2013–2017
Өзге де рекордтар
Іріктеуден өтпеген (жеребесіз) чемпиондар Ерлер Аустралия Марк Эдмондсон 1976
Әйелдер Аустралия Крис О'Нил
Америка Құрама Штаттары Серена Уильямс		 1978
2007
Ең жас жекелей сынь чемпиондары Ерлер Аустралия Кен Розуолл 18 жас 2 ай (1953)
Әйелдер Швейцария Мартина Хингис 16 жас 4 ай (1997)
Ең егде жекелей сынь чемпиондары Ерлер Аустралия Кен Розуолл 37 жас 2 ай (1972)
Әйелдер Аустралия Тельма Койн-Лонг 35 жас 8 ай (1954)

Көрермендер

[өңдеу | дереккөзін өңдеу]

Аустралия ашық чемпионаты — ең көп көрермен жинайтын Үлкен дулыға турнирі.[50] 2025 жылғы турнир 1 218 831 адаммен жаңа келушілер рекордын орнатты, ал бір күндік рекорд 2025 жылдың 17 қаңтарында тіркеліп, 97 132 көрерменді құрады.[51]

Төмендегі келушілер саны туралы деректер турнирдің желтоқсан айынан қаңтарға ауыстырылған кезеңінен, яғни 1987 жылдан басталады (оған дейінгі алдыңғы турнир 1985 жылдың желтоқсанында өткен болатын). 1987 жыл — «Куйонг» теннис клубы турнирді қабылдаған соңғы жыл; ал 1988 жылдан бері ол Мельбурн-Паркте өткізіліп келеді. Төменде қамтылған кезеңдегі орташа өсу қарқыны 7 пайыздан асады. Айта кетейік, бұл көрсеткіштерге іріктеу аптасы мен негізгі жарыс алдындағы іс-шаралардың келушілері де кіреді

Тағы қараңыз

[өңдеу | дереккөзін өңдеу]

Сілтемелер

[өңдеу | дереккөзін өңдеу]

Дереккөздер

[өңдеу | дереккөзін өңдеу]
  1. ↑ Melbourne Park ready for 2019 Australian Open. Australasian Leisure Management. (17 January 2019).  — «The Australian Open 2019 is the largest annual sporting event in the Southern Hemisphere and the biggest sporting event in the world in January.» Басты дереккөзінен мұрағатталған 3 ақпан 2020. Тексерілді, 3 ақпан 2020.
  2. ↑ Williams, Jacqueline. By Looking to Asia, the Australian Open Found Itself, The New York Times (26 January 2018). Мұрағатталған 29 қаңтардың 2018 жылы. Тексерілді 15 қаңтардың 2019.
  3. ↑ Australian Open delivers record $722 million boost to Victorian economy. Austadiums. (27 June 2026).
  4. ↑ AO 2020 delivers record benefits to Victoria. Australian Open. Tennis Australia. Басты дереккөзінен мұрағатталған 14 тамыз 2022. Тексерілді, 22 маусым 2022.
  5. 1 2 Australian Tennis Open History. Jazzsports. Басты дереккөзінен мұрағатталған 30 қаңтар 2008. Тексерілді, 22 қаңтар 2008.
  6. 1 2 Tristan Foenander History of the Australian Open – the Grand Slam of Asia/Pacific. Australian Open. Басты дереккөзінен мұрағатталған 20 қаңтар 2008. Тексерілді, 22 қаңтар 2008.
  7. ↑ Unknown Australasian Championships. The Sydney Morning Herald. (9 November 1923). Басты дереккөзінен мұрағатталған 30 қазан 2023. Тексерілді, 19 шілде 2010.
  8. ↑ Tennis Championships. (29 January 1920), бет  7. Мұрағатталған 30 қазанның 2023 жылы. Тексерілді 3 желтоқсанның 2020.
  9. ↑ Kerri Before it was the Australian Open it was the…. State Library Victoria. (27 January 2015). Басты дереккөзінен мұрағатталған 27 қаңтар 2021. Тексерілді, 3 желтоқсан 2020.
  10. ↑ Frank Cook. Open began as Aussie closed shop, The Daily Telegraph, news.com.au (14 February 2008). Мұрағатталған 1 ақпанның 2008 жылы. Тексерілді 22 қаңтардың 2008.
  11. ↑ Six steps to the Australian Open. THE WIMBLEDON FOUNDATION. AELTC. Тексерілді, 11 тамыз 2025.
  12. ↑ Anthony Frederick Wilding "Tony". International Tennis Hall of Fame. Басты дереккөзінен мұрағатталған 30 қыркүйек 2007. Тексерілді, 1 ақпан 2008.
  13. ↑ Milton Tennis Centre. Australian Stadiums. Басты дереккөзінен мұрағатталған 17 қаңтар 2008. Тексерілді, 25 қаңтар 2008.
  14. ↑ Nikki Tugwell. Hewitt chases amazing slam win, The Daily Telegraph, news.com.au (14 January 2008). Мұрағатталған 1 ақпанның 2008 жылы. Тексерілді 25 қаңтардың 2008.
  15. ↑ Alan Trengove Australian Open 1983. wilandertribute.com. Басты дереккөзінен мұрағатталған 23 қаңтар 2009. Тексерілді, 19 ақпан 2008.
  16. ↑ World Group 1983 Final. Davis Cup. Басты дереккөзінен мұрағатталған 30 маусым 2013. Тексерілді, 19 ақпан 2008.
  17. ↑ Rebound Ace under review, The Daily Telegraph, news.com.au (29 January 2007). Мұрағатталған 11 тамыздың 2011 жылы. Тексерілді 4 наурыздың 2026.
  18. 1 2 On the surface, Australian Open gets a new bounce (13 January 2008). Мұрағатталған 16 желтоқсанның 2017 жылы. Тексерілді 21 қаңтардың 2018.
  19. ↑ List of Classified Court Surfaces. itftennis.com. Басты дереккөзінен мұрағатталған 25 желтоқсан 2012. Тексерілді, 7 ақпан 2009.
  20. ↑ Tennis court surfacer serves up two major deals. Boston Business Journal. (28 January 2008). Басты дереккөзінен мұрағатталған 8 қазан 2012. Тексерілді, 4 наурыз 2026.
  21. ↑ Schlink, Leo. Rafael Nadal keen to call time on early slam, Herald Sun (17 January 2009). Мұрағатталған 9 тамыздың 2011 жылы. Тексерілді 18 қыркүйектің 2009.
  22. ↑ Clarey, Christopher Tennis; Australian Open Gains More Clout and Seles To Its Lineup for 1996. The New York Times. (14 January 1996). Басты дереккөзінен мұрағатталған 20 мамыр 2023. Тексерілді, 19 мамыр 2023.
  23. ↑ Sydney plans Australian Open bid, BBC News (11 October 2008). Мұрағатталған 4 сәуірдің 2023 жылы. Тексерілді 1 ақпанның 2015.
  24. ↑ NSW in negotiations to transfer Open from Melbourne. The Sydney Morning Herald. (11 October 2008). Басты дереккөзінен мұрағатталған 4 қыркүйек 2015. Тексерілді, 1 ақпан 2015.
  25. ↑ Melbourne Park Masterplan. Melbourne and Olympic Parks Trust. Басты дереккөзінен мұрағатталған 8 қаңтар 2019. Тексерілді, 8 қаңтар 2019.
  26. ↑ Coffee lovers find grounds for complaint at Australian Open, Reuters. Тексерілді 16 қаңтардың 2025.
  27. ↑ Australian Open could be played entirely indoors, as Margaret Court Arena gets retractable roof. ABC News. (4 January 2015). Басты дереккөзінен мұрағатталған 7 қыркүйек 2017. Тексерілді, 8 қаңтар 2019.
  28. ↑ The big changes coming to Rod Laver Arena this Australian Open. The New Daily. (12 January 2019). Басты дереккөзінен мұрағатталған 28 қаңтар 2019. Тексерілді, 27 қаңтар 2019.
  29. ↑ 10-year redevelopment of Melbourne Park complete. Austadiums. (7 December 2021). Басты дереккөзінен мұрағатталған 24 желтоқсан 2021. Тексерілді, 24 желтоқсан 2021.
  30. ↑ Australian Open Will Begin Using Final-Set Tiebreaker. The New York Times. (21 December 2018). Басты дереккөзінен мұрағатталған 8 қараша 2020. Тексерілді, 8 қаңтар 2019.
  31. ↑ GreenSet worldwide new official court surface supplier. Tennis Australia. (26 July 2019). Басты дереккөзінен мұрағатталған 17 қазан 2019. Тексерілді, 22 қаңтар 2020.
  32. ↑ 'There are just no mistakes happening': Hawk-Eye Live gains more support at Australian Open. ESPN. (13 February 2021). Басты дереккөзінен мұрағатталған 19 ақпан 2021. Тексерілді, 1 наурыз 2021.
  33. ↑ Clarey, Christopher. Automated Line Calls Will Replace Human Judges at U.S. Open, The New York Times (3 August 2020). Мұрағатталған 2 маусымның 2021 жылы. Тексерілді 2 маусымның 2021.
  34. ↑ AO launches into Metaverse, serves up world-first NFT art collection linked to live match data (ағыл.). ausopen.com. Басты дереккөзінен мұрағатталған 15 тамыз 2022. Тексерілді, 11 қыркүйек 2022.
  35. ↑ NFT Tech's Run It Wild and AO Metaverse win Cannes Lions award for Sports Entertainment – NFT Tech Insights (ағыл.). www.nfttech.com. Басты дереккөзінен мұрағатталған 11 қыркүйек 2022. Тексерілді, 11 қыркүйек 2022.
  36. ↑ AO Pickleball Slam A global stage for a growing sport. ausopen.com. Tennis Australia. Басты дереккөзінен мұрағатталған 27 қаңтар 2025. Тексерілді, 6 ақпан 2025.
  37. 1 2 Event Guide – Australian Open Tennis Championships 2014 – Official Site by IBM. Басты дереккөзінен мұрағатталған 4 қараша 2013. Тексерілді, 25 желтоқсан 2014.
  38. ↑ Accessibility Map. Tennis.com. Басты дереккөзінен мұрағатталған 10 қаңтар 2017. Тексерілді, 16 қаңтар 2017.
  39. ↑ Melbourne gets new 5000-seat tennis arena, SBS News (23 April 2017). Мұрағатталған 6 қарашаның 2017 жылы. Тексерілді 21 қаңтардың 2018.
  40. ↑ Full crowds return for 2022 Australian Open as tickets go on sale. Austadiums. (22 November 2021). Басты дереккөзінен мұрағатталған 30 қаңтар 2022. Тексерілді, 22 маусым 2022.
  41. ↑ Rod Laver Arena. Australian Stadiums. Басты дереккөзінен мұрағатталған 23 қыркүйек 2020. Тексерілді, 16 қаңтар 2017.
  42. ↑ John Cain Arena. Australian Stadiums. Басты дереккөзінен мұрағатталған 2 наурыз 2017. Тексерілді, 16 қаңтар 2017.
  43. ↑ Margaret Court Arena. Australian Stadiums. Басты дереккөзінен мұрағатталған 2 наурыз 2017. Тексерілді, 16 қаңтар 2017.
  44. ↑ Show Court Arena. Melbourne and Olympic Parks. Басты дереккөзінен мұрағатталған 27 қараша 2021. Тексерілді, 23 тамыз 2020.
  45. 1 2 Courts. Australian Open. Басты дереккөзінен мұрағатталған 14 желтоқсан 2021. Тексерілді, 22 қаңтар 2019.
  46. ↑ 2026 Australian Open prize money | ATP Tour | Tennis (ағыл.). ATP Tour. Тексерілді, 26 қаңтар 2026.
  47. ↑ Australian History and Records. TennisTours.com. Басты дереккөзінен мұрағатталған 21 желтоқсан 2008. Тексерілді, 17 қаңтар 2009.
  48. ↑ Australian Open: History and Structure of an Iconic Tournament (орыс.). ausopen.club. (13 қазан 2016). Басты дереккөзінен мұрағатталған 27 қаңтар 2022.
  49. ↑ 1941–1945 жылдары Екінші дүниежүзілік соғысқа байланысты Аустралия чемпионаты өткізілген жоқ
  50. ↑ Australian Open sets Grand Slam attendance record  (ағыл.), Reuters (31 January 2023). Мұрағатталған 3 сәуірдің 2023 жылы. Тексерілді 3 сәуірдің 2023.
  51. 1 2 2025 Australian Open breaks crowd record. Austadiums. (27 January 2025).
  52. ↑ Australian Open crowds surge past 1.36 million as Melbourne Park enters new era of growth. Austadiums. (2 February 2026).
  53. ↑ Patrick Durkin Young guns rise at 'record breaking' Australian Open. Australian Financial Review. (29 January 2024). Басты дереккөзінен мұрағатталған 28 қаңтар 2024. Тексерілді, 28 қаңтар 2024.
  54. ↑ Australian Open smashes records as grandest of slams. The Age. (31 January 2023). Басты дереккөзінен мұрағатталған 30 қаңтар 2023. Тексерілді, 31 қаңтар 2023.
  55. ↑ United by Play: AO 2022 by the numbers, Tennis Australia, Australian Open (21 February 2022). Мұрағатталған 6 наурыздың 2023 жылы. Тексерілді 21 ақпанның 2022.
  56. ↑ Total Australian Open Attendance: 130,374 #AusOpen, Austadiums, Twitter (21 February 2021). Мұрағатталған 12 мамырдың 2022 жылы. Тексерілді 21 ақпанның 2021.
  57. ↑ Djokovic Wins Eighth Australian Open Crown, Returns To No. 1, ATP Tour (2 February 2020). Мұрағатталған 2 ақпанның 2020 жылы. Тексерілді 3 ақпанның 2020.
  58. ↑ The big numbers from AO2019. Australian Open. (6 February 2019). Басты дереккөзінен мұрағатталған 26 сәуір 2019.
  59. ↑ Australian Open smashes attendance records. The Age. (28 January 2019).  — «Exact figure has not yet been provided.» Басты дереккөзінен мұрағатталған 4 сәуір 2023. Тексерілді, 28 қаңтар 2019.
  60. ↑ Australian Open Glance. USA Today. (30 January 2017). Басты дереккөзінен мұрағатталған 12 қаңтар 2018. Тексерілді, 21 қаңтар 2018.
  61. ↑ Australian Open 2016 – By the numbers. Australian Open. (1 February 2016). Басты дереккөзінен мұрағатталған 14 қаңтар 2017.
  62. ↑ Australian Open 2015 – The final word. (2 February 2015). Басты дереккөзінен мұрағатталған 20 тамыз 2025. Тексерілді, 2 ақпан 2015.
  63. ↑ AO 2014 – The Final Word. (27 January 2014). Басты дереккөзінен мұрағатталған 28 наурыз 2019. Тексерілді, 7 ақпан 2014.
  64. ↑ Australian Open 2013 – The Final Word. (28 January 2013). Басты дереккөзінен мұрағатталған 11 желтоқсан 2018. Тексерілді, 7 ақпан 2014.
  65. ↑ Top 10: Memorable AO2012 moments. (29 January 2012). Басты дереккөзінен мұрағатталған 1 ақпан 2012. Тексерілді, 4 наурыз 2012.
  66. ↑ Closing notes: Australian Open 2011. (30 January 2011). Басты дереккөзінен мұрағатталған 2 ақпан 2011. Тексерілді, 27 қаңтар 2012.
  67. ↑ Federer wins fourth Australian Open, 16th major singles title. (31 January 2010). Басты дереккөзінен мұрағатталған 5 ақпан 2010. Тексерілді, 7 наурыз 2010.
  68. ↑ Australian Open 2009 – the final word, australianopen.com. Мұрағатталған 4 ақпанның 2009 жылы.
  69. ↑ The Australian Open – History of Attendance. Australian Open. Басты дереккөзінен мұрағатталған 5 қыркүйек 2007. Тексерілді, 30 қаңтар 2008.
  70. ↑ AO 2007: The Final Word. Tennis Australia. Басты дереккөзінен мұрағатталған 18 қаңтар 2008. Тексерілді, 25 қаңтар 2008.
  71. 1 2 Australian Open Tennis Attendance History Мұрағатталған 16 қарашаның 2016 жылы. – Altius Directory
  72. ↑ "Safin credits Lundgren for resurgence". Sports Illustrated (CNN). 30 January 2005. http://sportsillustrated.cnn.com/2005/tennis/specials/australian_open/2005/01/30/notebook.sunday.ap/. Retrieved 25 January 2008.
  73. ↑ Tennis Australia Annual Report, 2002–2003. Clearinghouse for Sport. Tennis Australia. Басты дереккөзінен мұрағатталған 4 сәуір 2016. Тексерілді, 20 қаңтар 2017.
  74. ↑ Tennis Australia Annual Report, 2001–2002. Clearinghouse for Sport. Tennis Australia. Басты дереккөзінен мұрағатталған 26 наурыз 2017. Тексерілді, 20 қаңтар 2017.
  75. ↑ Tennis Australia Annual Report, 2000–2001. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  76. ↑ Tennis Australia Annual Report, 1999–2000. Clearinghouse for Sport. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  77. 1 2 Tennis Australia Annual Report, 1998–1999. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  78. ↑ Tennis Australia Annual Report, 1997. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  79. ↑ Tennis Australia 1996 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  80. ↑ Tennis Australia 1995 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  81. ↑ Tennis Australia 1994 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  82. ↑ Tennis Australia 1993 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  83. ↑ Tennis Australia 1992 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  84. ↑ Tennis Australia 1991 Annual Report. Clearinghouse for Sports. Tennis Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  85. ↑ Tennis Australia Annual Report 1990. Clearinghouse for Sports. Tennis Australia. Басты дереккөзінен мұрағатталған 26 наурыз 2017. Тексерілді, 20 қаңтар 2017.
  86. ↑ Lawn Tennis Association of Australia Annual Report 1989. Clearinghouse for Sports. Lawn Tennis Association. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  87. ↑ Lawn Tennis Association of Australia Annual Report 1988. Clearinghouse for Sports. Lawn Tennis Association of Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
  88. ↑ Lawn Tennis Association of Australia Annual Report 1987. Clearinghouse for Sports. Lawn Tennis Association of Australia. Басты дереккөзінен мұрағатталған 1 сәуір 2016. Тексерілді, 20 қаңтар 2017.
«https://kk.wikipedia.org/w/index.php?title=Теннистен_Аустралия_ашық_чемпионаты&oldid=3659613» бетінен алынған