Терілі тасбақа

Уикипедия — ашық энциклопедиясынан алынған мәлімет
Jump to navigation Jump to search

Терілі тасбақа (лат. Dermochelys coriacea) – дүниежүзіндегі тасбақалардың ең ірісі.

Терілі тасбақалардың саны азайып келеді. Әсіресе Тынық мұхитында соңғы жиырма жылдың ішінде саны күрт кеміп, қазір 2300-дей ғана тасбақа қалды. Атлант мұхитындағы популяциясы басқа жерлермен салыстырғанада әзірше тұрақты. Бірақ балық аулайтын кемелердің кесірінен тасбақалар жиі жарақаттануда, яғни болашақта ол жерде де тасбақалардың саны кемиді деген болжам бар.

Терілі тасбақалар тіршілік ету ортасын жиі ауыстырып тұрады. Олар Атлант мұхитынан Тынық мұхитына, Тынық мұхитынан Атлант мұхитына көшіп тұрады.

Терілі тасбақалардың сүйектері мен шеміршектерін қанмен қамтамасыз ету жүйесі ерекше дамыған. Ол тасбақаның дене температурасынан бірнеше градус жоғары көтеріп, салқын суға төзімді болуға мүмкіндік береді.

Терілі тасбақаның ұзындығы 180 см-ге дейін жетсе, салмағы 500 келіге дейін тартады. Алдыңғы ескекаяқтарын жазған кездегі ұзындығы – 5 метр.

Терілі тасбақалар жақсы жүзеді суда жүзу арқылы алыс сапарларға шығады.

Медузалармен, шаян тәрізділермен, басаяқты моллюскілермен, ұсақ балықтармен қоректенеді.

Осы тасбақалар ғана 1500 метр тереңдікке сүңгіп, су астында 35 минут бола алады.

Терілі тасбақалар Атлант, Тынық, Үнді мұхиттарының тропиктік және қоңыржай белдеулеріндегі су айдындарында кездеседі.[1]

Дереккөздер[өңдеу]

  1. Ж 27 ЖАНУАРЛАР. - Алматы: «Аруна» баспасы. - 208 бет. - Сер.: «1100 қызықты дерек».