Тескіш білдектер

Уикипедия — ашық энциклопедиясынан алынған мәлімет
Jump to navigation Jump to search

Тескіш білдектер (орыс. сверлильные станки) — ағаш өңдеу өндірісінде сырықты және қалқаңды тетіктерде тесіктерді бұрғылап тесу үшін қолданылатын білдектер. Олар айналдырықтарының санына қарай бір және көп айналдырықты болып екі топқа бөлінеді Бір айналдырықты білдектер тік және көлденең болып келеді. Көп айналдырықты білдектер әмбібапты және отырғызушы болып бөлінеді. Әмбібапты білдектер диаметрлері мен орналасулары әртүрлі тесіктерді тесуге арналған. Өңделетін қалқандардың өлшемдері: ұзындықтары 2000 мм-ге дейін, ендері 850 мм-ге дейін, қалыңдықтары 100 мм-ге жасалатын тесіктердің диаметрлері 100 мм-ге дейін. Отырғызушы білдектер тік, көлдeнeң және тік-көлденең болып бөлінеді. Отырғызушы білдектерде қалқандарды бұрыштармен байланыстырып қорапты құрылғылар жасау үшін дөңгелек пішінді тиектер кіретін және фурнитурларға арналған тесіктер жасалады. Отырғызушы білдектерде өңделетін қалқандардың өлшемдері: ұзындықтары 350...2000 мм, ендері 220...850 мм, қалыңдықтары 16...25 мм. Жасалатын тесіктердің диаметрлері 6...30 мм.[1]

Дереккөздер[өңдеу]

  1. Полиграфия, өлшеу техникасы, ағаш өңдеу жабдықтары және металл өңдеу техникасы мен технологиясы: Қазақша-орысша терминдердің түсіндірме сөздігі.