Техникалық бақылау пункттері

Техникалық бақылау пункттері (ТБП) (Контрольно-технический пункт (КТП)) — әскери бөлімнің колданыстағы машиналарының жай-күйін техникалық тексерістен өткізуге, оларға кажетті күжаттарды тексеруге және дұрыс ресімделуін қадағалауға арналған әскери бөлімнің парктегі штаттық немесе штаттан тыс ұйымы. Қарулы күштерде техникалық бакылау пункттерінде ұрыс және көлік машиналары бар әрбір әскери бөлімде ұйымдастырылады. Техникалық бақылау пунктінің бастығы болып машиналарды пайдалану ережелерін жақсы білетін, механик-жүргізуші (кәсіби жүргізуші) куәлігі бар прапорщик, старшина немесе сержант тағайындалады. Техникалық бақылау пункті машиналардың парктен шығар жолында орналасады және бұл ғимараттың ішінде кіру, шығу қақпасы, бастықтың машинаның техникалық жайкүйін тексеретін алаң бар. Техникалық бакылау пункттерінің ғимаратында парк бойынша тәуліктік наряд үшін демалыс бөлмесі, сондай-ақ жүргізушілер мен машина жетекшілеріне нұсқама жүргізетін және қозғалыс қауіпсіздігінің класы болады. Орын жеткілікті болған жағдайда жүргізушілер жолға шығу қағазын толтырып, шығуға рұқсатты тосатын бір бөлме дайындалуы мүмкін. Қажет құжаттар мен мүліктер жиынтығына техникалық бақылау пункттері бойынша кезекшінін нұсқаулары, техникалық қызмет көрсету мен жөндеу кестесінен көшірме, машиналарды пайдалану бойынша нұскаулар, жолға шығу құжаттарын толтыру үлгілері, машинаның техникалық жай-күйін тексеруге арналған аспаптар мен құралдар және т.б. жатады. Машиналар парктен шығарыларда техникалық бакылау пункттерінде машинаның сыртқы түрі, қажетті белгілердің болуы, механизмдер мен тораптардың дұрыстығы, адамдарды тасуға арналған құралдар және олардың белгіленген талапқа сай болуы, жүргізушілердің жеке тұлғаларын анықтайтын құжаттар, жүргізуші куәлігі, ал көліктік машина жүргізушілерінің машинаны пайдалануға құкықты екендігін білдіретін талоны тексеріледі. Машина паркке оралған жағдайда да машинаның техникалық жағдайы тексеріледі.