Теңге мұнай-газ конденсат кен орны
Теңге мұнай-газ конденсат кен орны – Оңтүстік Маңғыстау ойпаңы Жазыгүрлі ішкі ойысындағы ірі кен орны. Жаңаөзен қаласы 8 км жерде орналасқан. Кен 1964 жылы ашылып, 1970 жылдан пайдаланылып келеді.
Геологиялық құрылымы[өңдеу | қайнарын өңдеу]
Құрылымы жағынан өлшемі 19-13,5 км, амплитудасы 70 м-ге дейін болатын брахиантиклинальдық қатпардан орын алған. Жалпы қалыңдығы 700 м өнімді шөгінділер жоғарғы юраның келловей ярусынан ортаңғы юраның аллен ярусына дейінгі стратиграфиялық қиманы қамтиды.
Жатыс сипаты[өңдеу | қайнарын өңдеу]
Анықталған 10 өнімді қабаттың жетеуі газконденсатты, үшеуі мұнаймен жиектелген газконденсатты болып келеді. Кен шоғырларының бәрі дерлік қойнауқаттық, литологиялық тұрғыдан қалқаланған. Өнімді қойнауқат жинауыштарының кеуектілігі 14-20%-ға, өткізгіштігі 0,036-дан 0,085 мкм2-ге дейін, газға қаныққан қалыңдығы 2,6-17 м.
Құрамы[өңдеу | қайнарын өңдеу]
Мұнайының тығыздығы 0,849-0,854 г/см3, күкірті аз, парафині мол, аз мөлшерде шайыр және асфальтендер кездеседі. Кен шоғырларының газдары жеңіл, олардың құрамында метан (86 – 91,7%), азот, көмір қышқыл газы, сутек, т.б. бар. Газ шығымы 42-340 м3/тәу. Тұрақты конденсаттың газдағы мөлшері 40-46,2 г/м3, тығыздығы 0,732-764 г/см3. Газ бен конденсат қоры жөнінен ірі кен болып саналады.[1]
Дереккөздер[өңдеу | қайнарын өңдеу]
- ↑ «Батыс Қазақстан облысы» энциклопедиясы, Алматы, 2002;
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |