Теңіз ауылдық округі (Атырау облысы)

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан ауылдық округі
Теңіз ауылдық округі
Облысы

Атырау облысы

Ауданы

Құрманғазы ауданы

Округ орталығы

Теңіз

Енеді

4 ауыл

Тұрғыны (2021)

1836

Әкімі

Қайсар Еркінұлы Махсутов

Округ әкімдігінің мекенжайы

Теңіз ауылы, Исатай көшесі, №29

Уақыт белдеуі

UTC+5:00

Автомобиль коды

06

Телефон коды

+771233

Пошта индексі

060411

 Басқа мағыналар үшін Теңіз ауылдық округі деген бетті қараңыз.

Теңіз ауылдық округі (2007 жылға дейін Приморье ауылдық округі[1]) — Атырау облысы Құрманғазы ауданындағы әкімшілік бірлік.

Әкімшілік құрамы[өңдеу | қайнарын өңдеу]

Құрамына Теңіз, Құмарғали, Дәулет, Шайхы ауылдары кіреді. Орталығы – Теңіз ауылы[2].

Географиясы[өңдеу | қайнарын өңдеу]

Теңіз ауылдық округі Құрманғазы ауданының оңтүстігінде Каспий теңізімен шектесіп жатыр. Сондықтан Приморье аталып кеткен. Округтің жер көлемі 3203 гектар, оның ішінде ауыл шаруашылық алқабы - 472 га, егістік - 14 га, шабындық - 33 га, жайылым - 423 га.[дереккөзі?]

Халқы[өңдеу | қайнарын өңдеу]

2021 жылғы санақ қорытындысы бойынша 1836 адамды (915 ер адам және 921 әйел адам) құрады.[3]

Теңіз ауылдық округі бойынша 1692 адам, 353 отбасында 314 үйде тұрады. Оның ішінде экономикалық белсенді топқа жататындары, яғни еңбек ету жасындағылар 955. Осы еңбекке жарамды 955 адамның 880-і аудан, село көлеміндегі әртүрлі заңды тұлғалар мен шаруашылық субьектілерінде және бюджеттік мекемелерде тұрақты жұмыс жасайды. Өз шаруасымен айналысатын адамдар саны 196, студенттер саны - 97, жұмыссыз адамдар саны - 24 адамды құрайды.[дереккөзі?]

Тарихы[өңдеу | қайнарын өңдеу]

Теңіз ауылдық округінің тарихы 19-ғасырдан басталады. Орыс көпестерінің өзен сағасына келіп балық шаруашылығымен айналысуына байланысты отырықшы елді мекен пайда болған. Аудандағы алғашқы 4 мектептің бірі осы Телячье селосында 1887 жылы ашылған. Телячьеден 3 км жерде, оңтүстікке қарай атақты Гордеев батағасы орналасқан еді. Ол басқа батағаға қарағанда анағұрлым үлкен еді. Ол батағаның айналасында 30-40 үй болған. Телячье, Ковалев және Гордеев ауылдарын нанмен қамтамасыз ететін наубайхана, үлкен дүкен, монша, батағаның көптеген адам жұмыс жасайтын кеңсесі, өртсөндіру мекемесі болған. 1930 жылы жергілікті кеңес құрылды. Кейіннен колхоздар біріккенде Еңбекші, Калинин селолық кеңестерінің құрамына енген. 1965 жылы мал бордақылау совхозы құрылғаннан кейін селолық Кеңес қайта ұйымдастырылған.[4]

Инфрақұрылымы[өңдеу | қайнарын өңдеу]

Ю.А.Гагарин орта мектебі, «Айсамал» балабақшасы, ауылдық емхана, ауылдық клуб, кітапхана, пошта және байланыс бөлімшелері, 17-шаруа қожалығы, 17-жеке касіпкер, 9-сауда саттық дүкені, 1-мейрамхана, 1-стационарлық жанар-жағар май құю бекеті тұрғындарға қызмет етіп келеді.[4]

Округтегі тарихи және мәдени ескерткіштер[өңдеу | қайнарын өңдеу]

  • Ұлы Отан соғысында қаза тапқан жерлестерге қойылған обелискі
  • Азамат соғыстарының боздақтарына қойылған обелискі[5]

Дереккөздер[өңдеу | қайнарын өңдеу]

  1. Құрманғазы ауданының кейбір әкімшілік-аумақтық бірліктерін қайта атау туралы
  2. "Қазақ энциклопедиясы", X том
  3. 2021 жылғы ұлттық халық санағының қорытындылары
  4. a b Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5
  5. Құрманғазы ауданы. Шежіре. - Алматы: "Арыс" баспасы, 2008. ISBN 9965-17-535-7