Теңіз газ өңдеу зауыты

Уикипедия — ашық энциклопедиясынан алынған мәлімет
Jump to navigation Jump to search

Теңіз газ өңдеу зауыты - газды күкірттен арылту және тазартылған газ өндіру, сол сияқты Атырау облысындағы Теңіз мұнай-газды кенорынының шикізатынан сұйытылған газ алу мақсатында тұрғызылған. Қуаты жылына 2,5 млрд. текше метр газ өңдеу. Зауыт 1991 жылы іске қосылды, ол төмендегі операцияларды жүзеге асырады: шикі мұнай , газ қоспаларын сепарациялау; газ құрамынан қышқыл түрбөлшектерді аластау; сұйық және қатты күйдегі күкірттер алу; алынған көмірсутек газдарын олардан тауарлық өнім алу мақсатында фракциялау т.б. Зауыт 2001 жылдан бастап шикі газдың бүкіл мөлшерін олардан еуропалық стандартқа сәйкес келетін экспорттық пропан мен бутан алу үшін өңдейді. Зауытта күкіртті гранулалайтын екі қондырғы және қабыршақты күкірт өндіретін екі қондырғы жумыс істейді, олар күкіртті кез келген көлік түрімен тасымалдауға мүмкіндік береді. Қазіргі кезде екі жоба жүзеге асырылуда, олар - зауыттың Екінші Кезегінің Жобасы (ЕКЖ) және мұнай беру қарқынын көбейту мақсатында қойнауқатқа Шикі Газ Айдау (ШГА) жобасы. Зауыттың ЕКЖ бөлікшесінде мұнай мен газды сеперациялау, шикі мұнайды турақтандыру, газды күкірттен арылту және сұйытылған көмірсутектерді, күкіртті т.с.с. беліп алу қондырғылары орналасатын болады. ШГА бөлікшесінде газды жоғары қысымдарға дейін сығымдайтын арнаулы компрессор орнатылады, бул іс-шара газды жинауышқа айдау мақсатында жүргізіледі. 2005 жылы зауыттың екінші кезегі өндіріске енгізілуі тиіс, бул зауыттың қуатын жылына 14 млрд. текше метрге дейін жоғарлататын болады[1].

Тағы қара[өңдеу]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1